इराकका प्रधानमन्त्री मुस्तफा अल–कदिमीको हत्याका लागि शनिवार राति प्रयास गरिएको छ ।

उनको निवासमा बमहरू जडान गरिएको ड्रोन आक्रमण गरिएको भए पनि उनी बाँचेका छन् । प्रधानमन्त्री कार्यालयले बयान जारी गरेर यसको पुष्टि गरेको छ । 

प्रधानमन्त्रीले ट्वीट गरी बताए, ‘यस्ता आक्रमणले हाम्रो हिम्मत मार्न सक्दैनन् । हाम्रो सुरक्षाबलको साहसलाई यसले डगमगाउँदैन किनकि उनीहरू मानिसको सुरक्षा, न्याय र कानून लागू गराउन तत्पर छन् । इराकका लागि सबैजना शान्त हुनुस् ।’

रोयटर्सका अनुसार, सरकारी भवन र विदेशी दूतावासहरू रहेका छन् । पश्चिमी कूटनीतिकर्मीहरूले इलाकामा विस्फोट र गोलीको आवाज सुनेको बताए । 

घटनाको जिम्मेवारी कुनै समूहले लिएको छैन । अघिल्लो महिनाको आमनिर्वाचनको परिणामको विरोध गर्ने  हातहतियार बोकेका इरान समर्थक समूहहरूले ग्रीन जोन नजिक प्रदर्शन गरेलगत्तै यो आक्रमण भएको हो ।