सर्वोच्च अदालतमा सोमवार ६ वटा इजलास तोकिएकोमा चिया ब्रेकपछि ४ वटा इजलासमा ३ आदेश र १ फैसला भएको छ, जसमध्ये दुईवटा इजलासबाट कारण देखाऊ आदेश जारी गरिएको छ भने अर्को इजलासबाट पनि आदेश जारी गरिएको छ।  त्यसैगरी चौथो इजलासबाट फैसला नै भएको छ ।

कुमार चुडालको एकल इजलास र बमकुमार श्रेष्ठको एकल इजलासबाट बन्दी प्रत्यक्षीकरण मुद्दामा विपक्षीको नाममा कारण देखाऊ आदेश जारी गरिएको छ।

तेजबहादुर केसी र नहकुल सुवेदीको संयुक्त इजलासबाट पनि आदेश भएको छ। त्यसैगरी प्रकाशकुमार ढुंगाना र कुमार रेग्मीको संयुक्त इजलासले रिट खारेज गर्ने फैसला गरेको छ ।

प्रधानन्यायाधीश चोलेन्द्र शमशेर जबराले आफू र कुमार चुडालको संयुक्त इजलास तोकेपनि हालसम्म उक्त इजलास बसेको छैन ।