रुसmले युक्रेनको सीमामा हजारौं सैनिकहरू तैनाथ गरेपछि युक्रेन आफ्नो सुरक्षाका लागि तयारी गरिरहेको छ । 

युक्रेनले बेलायतसँग १.७ अर्ब पाउन्डको रक्षा सम्झौता गरेको छ । त्यसअन्तर्गत बेलायतले युक्रेनलाई घातक युद्धपोत उपलब्ध गराउनेछ । 

युक्रेनका परराष्ट्रमन्त्रीले विवादित क्षेत्र क्राइमियाको सीमामा रुस र युक्रेनका सैनिकहरूबीच युद्ध हुन सक्ने बताए । त्यस्तो अवस्थामा नेटो मुलुकहरू पनि युक्रेनको समर्थनमा आउन सक्छन् र तेस्रो विश्वयुद्धको खतरा हुन सक्छ । 

बेलायतसँगको सम्झौतामा युक्रेनले दुईवटा माइन हन्ट, आठवटा मिसाइल शिप र एउटा फ्रिगेट पाउनेछ । जंगी जहाजहरूको हतियार पनि युक्रेनले किनेको छ ।

युक्रेनले फ्रान्स र जर्मनीसँग तयारीको काम शुरू गर्न भनेको छ किनकि सैन्य संघर्ष शुरू भइहाल्न सक्छ । रुससँग युद्ध नगर्ने तर आवश्यकता परेमा आत्मरक्षाबाट पछि नहट्ने युक्रेनको भनाइ छ । 

त्यसअघि रुसले युक्रेन सीमामा सैनिकहरूको तैनाथीबाट कसैले चिन्ता लिनस नपर्ने बताएको थियो । ती सैनिक कसैका लागि पनि खतरा नभएको रुसको कथन छ । 

अमेरिकाले युरोपेली साझेदारहरूलाई रुस सम्भवतः युक्रेनमाथि आक्रमणको तयारी गरिरहेको चेतावनी दिएको थियो । रुसलाई गम्भीर गल्ती नगर्न अमेरिकाले रुसलाई चेतावनी दिएको छ ।