×
Bajaj Top
Khukuri
FONEPAY

खुम्चिँदो जनवाद

महाधिवेशन आउन ४ दिन छँदा एमाले नेताहरूको हालत– न उम्मेदवारी घोषणा गर्न सक्ने, न खुलेर प्रचार !

काठमाडाैं | मंसिर ६, २०७८

NTC
TVS INSIDE

नेकपा एमालेको दशौं राष्ट्रिय महाधिवेशन उद्घाटन हुन ठ्याक्कै चार दिन बाँकी छ । 

Sanima Bank
morang Auto yamaha

मंसिर १० मा चितवनमा नारायणी नदीको किनारमा एमालेको दशौं राष्ट्रिय महाधिवेशन विधिवत उद्घाटन गर्ने तयारीमा एमालेका नेता कार्यकर्ता जोडतोडले जुटेका छन् ।


Advertisment
NMB BANK
RMC TANSEN
shivam island

महाधिवेशनमा सहभागी हुनका लागि देशभरबाट दुई हजारभन्दा बढी प्रतिनिधि चुनिएका छन् । एमालेको दशौं राष्ट्रिय महाधिवेशनको एउटै काम हो, पार्टीको नेतृत्व निर्वाचित गर्ने ।

एमालेले विचार र विधान टुंगो लगाउनका लागि असोजको १५–१७ मा विधान महाधिवेशन आयोजना सम्पन्न गरिसकेको छ । दशौं राष्ट्रिय महाधिवेशनको उद्घाटनपछि सोझै नेतृत्व चयनको काम शुरू हुन्छ ।   

Vianet communication
IME BANK INNEWS
LAxmi BAnk

तर, इतिहासमै पहिलोपटक एमालेमा राष्ट्रिय महाधिवेशन उद्घाटनको संघारमा पुग्दा पनि आफ्नो उम्मेदवारीको विषयलाई लिएर पार्टीभित्र सन्नाटा छाएजस्तो देखिन्छ । 

पार्टीको केन्द्रीय कार्यकारी निकाय केन्द्रीय कमिटीमा पुग्न चाहने व्यक्तिहरूले महाधिवेशन शुरू हुन चार दिन मात्रै समय बाँकी हुँदा पनि न त उम्मेदवारी घोषणा गर्न सकेका छन्, न खुलेर आफ्नो प्रचारमा नै लाग्न सकेका छन् । 

भलै, एमाले उपाध्यक्ष भीम रावलले आइतबार रिपोर्टर्स क्लबमा पत्रकार सम्मेलन गरेर महाधिवेशनमा एमालेको अध्यक्षको उम्मेदवारी दर्ता गर्ने घोषणा गरेका छन् । 

एमालेमा महासचिवको दाबी गरेका विष्णु पौडेल र शंकर पोखरेलका सहयोगीहरूले ब्यानर बनाएर प्रचार गरिरहेका छन् ।

त्यसबाहेक केही सीमित नेताहरूले मिडियालाई अन्तर्वार्ता दिएर आफूले चाहेको पदमा दाबेदारी प्रस्तुत गरेका छन्, तर उक्त पदमा तीव्र प्रचारमा भने उनीहरू देखिएका छैनन् । 

एमालेका केही नेताहरूले आन्तरिकरूपमा भेटघाट र छलफल गरिरहेका छन् । तर, सार्वजनिक रूपमा उम्मेदवारी भने घोषणा गर्न सकेका छैनन् । 

एमालेले गत कात्तिकमा गरेको वडा र पालिका तहको अधिवेशनमा अध्यक्ष केपी शर्मा ओलीले सर्वसम्मतिमा नेतृत्व चयन गर्न निर्देशन दिएका थिए । 

त्यसबाहेक कात्तिक २७ मा भएको महाधिवेशन प्रतिनिधि चयनमा पनि ओलीले सर्वसम्मतिको विधि अपनाउन निर्देशन दिएका थिए ।

एमाले र माओवादी केन्द्रबीच एकीकरण भएर बनेको नेकपा विभाजन र एमाले पनि टुक्रिएपछिको पहिलो राष्ट्रिय महाधिवेशन एमालेले आयोजना गर्दैछ ।

विभाजनपछिको महाधिवेशन भएकाले ओली पार्टीभित्र कुनै समस्या नरहेको देखाउने प्रयासमा छन् । त्यसका लागि उनले सहमतिबाटै नेतृत्व चयन हुने बताएका छन् । 

अर्कातर्फ, एमालेमा अहिले परम्परागत गुट छैन । अध्यक्ष ओली नै सर्वेसर्वा छन् । गुटगत रूपमा डिमान्ड राख्ने अवस्था पनि छैन । एमालेबाट टुक्रिएर गएको समूहलाई साथ नदिएर एमालेमै रहेका तत्कालीन माधव नेपाल पक्षका १० जना स्थायी कमिटी सदस्य पनि अहिले भावनात्मक रूपमा एक छैनन् ।

बरू उनीहरू अध्यक्षलाई ‘राजी’ गराएर अध्यक्षको निर्णय आफ्नो पक्षमा पार्ने प्रयासमा छन् । 

महाधिवेशनको सम्मुखमा पनि एमालेका नेताहरू आगामी केन्द्रीय कमिटीमा कुन पदमा रहेर काम गर्ने भन्ने अनुमान गर्ने अवस्थामा समेत छैनन् । योजना मनमा छ, तर व्यक्त गर्न सकिरहेका छैनन् । 

पहिले संस्थापनइतर खेमामा रहेका एक केन्द्रीय सदस्य भन्छन्, ‘नेताहरू आफ्नो रूचि सार्वजनिक गर्ने पक्षमा छैनन् । जसले पदीय रूचि सार्वजनिक गर्‍यो त्यो महाधिवेशनमा सहमति बिथोल्ने प्रयास गरेको आरोप लाग्न सक्छ । त्यसैले अहिल्यै कोही पनि उम्मेदवारी घोषणा गर्ने पक्षमा छैन ।’

कसको उम्मेदवारी कुन पदमा हुने भन्ने उद्घाटन सत्र सकिएपछि मात्रै टुंगो लाग्न सक्ने ती नेता बताउँछन् । 

नेताहरू स्वतन्त्र रूपमा उम्मेदवारी घोषणा गर्नेभन्दा पनि आफूप्रति अध्यक्ष ओलीको बुझाइ जान्ने प्रयासमा रहेको ती नेताले बताए । पार्टीको केन्द्रीय सदस्य र पदाधिकारीमा आउन चाहने सबैजसो नेताहरूले अध्यक्ष ओलीलाई भेटेर आफ्नो कुरा एक चरणमा राखिसकेको ती नेताको दाबी छ । 

‘केन्द्रीय कमिटी र पदाधिकारीमा आउन चाहने सबैजसो नेताहरूले अध्यक्षलाई भेटेर आफ्ना कुरा राखेका छन् । अब उनीहरू अध्यक्षको प्रतिक्रिया पर्खेर बसेका छन्’, एक केन्द्रीय सदस्यले भने । 

महाधिवेशनमा पदाधिकारी र केन्द्रीय सदस्यमा उम्मेदवार हुन चाहने नेताहरू पनि प्रनितिधिहरूलाई फोन गरेर चितवनमा भेटौंला है त मात्रै भनेर बिदाबारी हुने गरेका छन् । 

धेरैजसो नेताहरूले आफ्नो प्रचारका लागि सामाजिक सञ्जालमा आफ्नो फोटो पोस्ट गर्दै महाधिवेशन प्रतिनिधि चयन भएकाहरूलाई बधाई दिने गरेका छन् । 

त्यसबाहेक, आफूले विभिन्न सन्दर्भमा गरेको महत्त्वपूर्ण भाषणको भिडियो क्लिप पनि सोसल मिडियामा शेयर गरेर उपस्थिति देखाउने गरेका छन् । 

प्रचारका लागि किन यस्तो अप्रत्यक्ष शैली अपनाएको भन्ने प्रश्नमा एमालेका एक केन्द्रीय सदस्यले भने, ‘चुनाव हुँदा कुन पदमा उम्मेदवारी दिने आफ्नो मनमा छ । अहिले नै सार्वजनिक गरिहाल्ने अवस्था छैन । चुनाव हुँदा कम्तिमा यो व्यक्तिलाई चाहिँ भोट हाल्नुपर्छ भन्ने पारिराख्नु त पर्‍यो नि !’

एमालेको महाधिवेशनमा पदाधिकारी तहमा सर्वसम्मति भएपनि खुल्ला केन्द्रीय सदस्यमा भने चुनावै हुनसक्ने धेरैको विश्लेषण छ । ‘केन्द्रीय सदस्यको आकांक्षी धेरै छन् । उनीहरूको व्यवस्थापन महत्त्वपूर्ण विषय हो । नेताहरूले सबैको चित्त बुझाउन सक्ने अवस्था नहुँदा चुनिएर आउने ठाउँ खोलिदिनुपर्छ’, केन्द्रीय सदस्य दोहोरिने योजनामा रहेका एक नेताले भने । 

संस्थापननिकट नेताहरू भने एमालेलाई आगामी निर्वाचनबाट एकल बहुमत ल्याउने र देशको नेतृत्व गर्ने पार्टी बनाउनुपर्ने भएकाले पार्टीमा आफ्नो भूमिकाको खोजी नगरी पार्टीलाई मजबुद बनाउने काम गरिरहेको दाबी गर्छन् । ​

 


 

 


 

JYOTI
Kumari
TATA Below
NLIC
Mega Bottom
माघ ३, २०७८

कांग्रेसको १४ औं महाधिवेशनमा पार्टीका प्रभावशाली नेताहरूलाई पछि पारेर महामन्त्री पद जीतेपछि चुलिएको गगन थापा र विश्वप्रकाश शर्माको चर्चा अझै सेलाएको छैन ।  पार्टीका पुस्तान्तरण र रूपान्तरणको पक्षमा वकालत...

पुस ३०, २०७८

यो साता पश्चिम र रुसबीच युक्रेन तथा अन्य विषयमा तीन चरणमा चलेको वार्तामा पश्चिम केही लचिलो देखिएको छ । तर रुसले राखेको मुख्य मागलाई पश्चिमले सम्बोधन नगर्ने अड्डी लिएकाले वार्ताको सकारात्मक परिणाम भने आउन सकेको...

माघ ४, २०७८

कोरोनाभाइरस देखिएको दुई वर्ष पूरा भइसक्दा पनि अझै यो निर्मूल हुने लक्षण देखिएको छैन । नेपालमै पनि कोरोनाको ओमिक्रोन भेरिएन्टका कारण तेस्रो लहर आएर धेरैजना बिरामी भइरहेका छन् । कोभिडबाट मुक्ति पाउनका लागि...

पुस २९, २०७८

रुसले चीनलाई ग्यास निर्यात गर्ने गरी सम्झौता गर्दा यसका अनेक आयामबारे चर्चा भइरहेको छ । युरोपलाई रणनीतिक रूपमा ग्यासको आपूर्तिमा कटौती गर्न सक्ने भनी चर्चा चल्नुअघि नै रुसले चीनतर्फ ग्यास निर्यात गर्ने योजना बन...

माघ २, २०७८

बेलायतका प्रधानमन्त्री बोरिस जोनसन हिजोआज निकै गम्भीर चुनौतीको सामना गरिरहेका छन् । दिनदिनै उनको राजीनामा माग्दै प्रदर्शनहरू भइरहेकाले उनी अभूतपूर्व दबाबको स्थितिमा छन् ।  पोहोर साल बेलायतमा कोरोना सं...

माघ ५, २०७८

फेसबूकमा एउटा ग्रुप छ– ‘एक्सन मन्त्री प्रेम आले’ । जसमा एक लाख ३७ हजार मेम्बर छन् । उक्त ग्रुपमा संस्कृति, पर्यटन तथा नागरिक उड्डयन मन्त्री प्रेमबहादुर आलेका हरेक गतिविधि पोस्ट हुन्छन् । उनकै बारेम...

यसरी नै चलाउने हो कांग्रेसका भ्रातृ संस्था ?

यसरी नै चलाउने हो कांग्रेसका भ्रातृ संस्था ?

माघ ५, २०७८

विश्वविख्यात अर्थशास्त्री एवं कूटनीतिज्ञ चाणक्यले लक्ष्य प्राप्तिका केही प्रमुख सूत्र बताएका छन्। अरू सबैलाई तपसिलमा राख्न सकिन्छ, तर एउटा सूत्रलाई कहिल्यै पनि विस्मृत हुन दिनु हुँदैन । उनी भन्छन्, 'मानिसको सबैभ...

अविकास, गरीबी र कुशासनको दुष्चक्र

अविकास, गरीबी र कुशासनको दुष्चक्र

माघ ३, २०७८

‘एसियन ड्रामा’ का लेखक गुनाल मिर्डालले न्यून आम्दानी, न्यून उत्पादकत्व, कमजोर स्वास्थ्य अवस्था र सुविधाहीन आवासले मानिसलाई गरीबीको दुष्चक्रमा पुर्‍याउने यथार्थ व्याख्या गरेका थिए । यसलाई उल्टो रूप...

कार्बनडाइअक्साइडदेखि किम जोङ उनसम्म

कार्बनडाइअक्साइडदेखि किम जोङ उनसम्म

माघ ३, २०७८

उत्तर कोरियाली ‘सर्वोच्च नेता’ किम जोङ उनको तौल घटेपछि त्यहाँका जनताहरू चिन्ता प्रकट गर्दै सामूहिक रूपमा रोएका थिए ।  हुन त उत्तर कोरियामा हाँस्ने र ताली बजाउने काम पनि सामूहिक रूपमै हुन...