राखेप सदस्य सचिवमा खेल विज्ञ लामिछानेको आवेदन

राखेप सदस्य सचिवमा खेल विज्ञ लामिछानेको आवेदन

राष्ट्रिय खेलकुद परिषद्को सदस्य सचिवमा प्रतिस्पर्धा हुने देखिएको छ । 


Advertisement

युवा तथा खेलकुद मन्त्रालयले मंसिर ४ गते सदस्य सचिवका दरखास्त आह्वान गरेको थियो, त्यसका लागि खेल क्षेत्रमा लागेका विभिन्न राजनीतिक दल आवद्ध व्यक्तिहरूले दरखास्त दिन लागेका हुन् । 


Advertisement

पहिलो आवेदन डा. अचुतम लामिछानेले दिएका छन् । 

खेल क्षेत्रमा विज्ञता हासिल गरेका लामिछाने खेल विज्ञानमा पीएचडी गर्ने पहिलो नेपाली पनि हुन् । उनले दक्षिण कोरियाको योङ इन विश्वविद्यालयबाट पीएचडी गरेका छन् । 


Advertisement

डा. लामिछानेले महेन्द्र रत्न क्याम्पसबाट प्रमाणपत्र तह र स्वास्थ्य तथा शारीरिक शिक्षामा स्नातकोत्तर गरेका छन् ।

उनले नेपाल खेल विज्ञान एकेडेमी (सान)मा खेल विज्ञको रुपमा ५ वर्ष काम गरिसकेका छन् भने १३ औं दक्षिण एसियाली खेलकुदमा राष्ट्रिय टिमको तयारी कमिटीका सदस्य समेत थिए । उनले बागमती प्रदेशको खेलकुद नीति निर्माण पनि गरेका थिए ।  

खेलाडीका रुपमा तेक्वान्दो चौथो डान, अन्तर्राष्ट्रिय प्रशिक्षक तथा राष्ट्रिय रेफ्री र योङमुदो चौथो डान समेत हासिल गरेका छन् । 

उनी युनेस्को इन्टरनेशनल सेन्टर अफ मार्सल आर्टस्को खेल विज्ञको तालिम तथा उपाधि समेत लिएका छन् भने विश्व मार्सल आर्ट मास्टरसिप कमिटीको भोलिन्टियर सदस्य समेत हुन् । 

‘म खेल क्षेत्रमा लागेर यसैमा विद्यावारिधी गरेको छु, राज्यले मैले सिकेको ज्ञानको सदुपयोग गरोस् भन्ने मेरो चाहना हो,’ डा. लामिछानेले भने, ‘खेल क्षेत्रमा केही फड्को मारेर माथि उठाउन सक्छु भन्ने म विश्वास दिलाउन चाहान्छु ।’

सदस्य सचिवका लागि कन्सल्ट्यान्सी व्यापारी टेकलाल घिसिङ, युवराज लामा, राजकुमार कार्की, भरत महर्जन, केशव विष्ट, ओलम्पियन दीपक विष्टले पनि दरखास्त दिने तयारी गरेका छन् । 
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्