नेपालमा महिला हिंसाका अधिकांश घटना घरभित्रै हुन्छन् : आयोग

नेपालमा महिला हिंसाका अधिकांश घटना घरभित्रै हुन्छन् : आयोग

राष्ट्रिय मानवअधिकार आयोगले महिला हिंसा न्यूनीकरण र अन्त्यका लागि प्रभावकारी नीति तथा कार्यक्रम तथा कानूनको प्रभावकारी कार्यान्वयन गर्न सरकारसँग आग्रह गरेको छ । 


Advertisement

आयोगले घरेलु हिंसा (कसूर र सजाय) ऐन २०६६ र नियमावली २०६७ को प्रभावकारी कार्यान्वयन गर्न र ती ऐन र नियमावलीलाई समयसापेक्ष संशोधन गर्नका लागि सरकारसँग आग्रह गरेको हो ।


Advertisement

आयोगका प्रवक्ता डा. टीकाराम पोखरेलले बिहीवार जारी गरेको प्रेस विज्ञप्तिमा घरेलु हिंसाको न्यूनीकरणका लागि आ–आफ्नो क्षेत्रबाट भूमिका खेल्न मानव अधिकारकर्मी, नागरिक समाज, घर परिवार लगायत सम्बद्ध सबै पक्षलाई अनुरोध गरिएको छ ।

‘घरैबाट शुरू गरौं, महिला हिंसा अन्त्य गरौं’ भन्ने नाराका साथ बिहीवारदेखि महिला हिंसा विरुद्धको १६ दिने अभियान प्रारम्भ भएको छ । अभियानलाई प्रभावकारी र अर्थपूर्ण रूपमा मनाउन मानव अधिकारकर्मी, नागरिक समाजलगायत सरोकारवाला सबैलाई आयोगले आह्वान समेत गरेको छ ।
      
विभिन्न समाचारमाध्यम र आयोगमा प्राप्त महिला हिंसासम्बन्धी उजुरीका आधारमा विश्लेषण गर्दा नेपालमा महिला हिंसाका अधिकांश घटना घरभित्रै हुने र परिवारकै सदस्यको संलग्नता देखिने गरेकाले घरभित्र हुने महिला हिंसाको अन्त्य हुनसकेमा महिला हिंसाको न्यूनीकरणमा ठूलो उपलब्धि हुने देखिएको छ ।


Advertisement

आयोगले महिला हिंसाको अवस्था, स्वरूप, कारण र न्यूनीकरणका उपाय लगायतका विषयमा केन्द्रित भएर अनुगमन/अनुसन्धान गरी प्रतिवेदन सार्वजनिक गर्ने तयारी गरेको जनाएको छ ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्