नेपाली चलचित्र क्षेत्रका महानायक राजेश हमालले नयाँ जीप कम्पासको साथमा जीपलाइफमा प्रवेश गरेका छन् । हमाल र उनकी श्रीमती मधु भट्टराईले बिहीवार नक्सालस्थित जीप सोरुमबाट लेजेन्डरी जीप कम्पास खरिद गरेका हुन् । 

‘युगदेखि युगसम्म’, ‘देउता’, ‘वसन्ती’ र ‘सिमाना’ जस्ता सफल चलचित्रमा महत्त्वपूर्ण भूमिका निर्वाह गरेका हमालले तीन दशकको अवधिमा दुई सयभन्दा बढी चलचित्रमा अभिनय गरिसकेका छन् । 

‘मैले युवा अवस्थादेखि नै जीपको बारेमा सुन्दै आएको थिएँ । शुरूका केही चलचित्रको सुटिङमा मैले विलिस जीप पनि चलाएको थिएँ । म जीपको आइकनिक डिजाइन र अफरोड क्षमताबाट प्रभावित थिएँ,’ उनले भने, ‘म खुशी छु कि आज मैले जीप किनेँ ।’

केही महिनाअघि नयाँ जीप कम्पास सार्वजनिक भएपछि प्रिमियम एसयूभी सेग्मेन्टमा जीपको बिक्री उल्लेखनीय रुपमा बढिरहेको छ । यो सकारात्मक गति यो आर्थिक वर्षको अन्तसम्म पनि जारी रहने अपेक्षा एमएडब्ल्यू लाइफले गरेको छ । 

‘जीपले यो वर्ष निकै राम्रो गति लिइराखेको छ र सेग्मेन्टमै सबैभन्दा ठूलो बजार हिस्सा हासिल गर्न सफल छ,’ एमएडब्ल्यू लाइफका प्रमुख कार्यकारी निर्देशक अनिश लामिछाने भने, ‘नेपाली बजारले नयाँ जीप कम्पासलाई सहजै स्वीकारेको छ र हामी निकै उत्साहित छौं ।’

नयाँ कम्पासमा जीपको आइकनिक स्टाइल, अपडेटेड डिजाइन र नयाँ फिचरहरूको लामो सूची छ । सबैभन्दा महत्त्वपूर्ण कुरा कम्पासमा जीपको ‘लेजेन्डरी अफरोड क्यापाबिलिटी’ छ, जसले चालकलाई ‘जहाँसुकै गएर जेसुकै गर्ने (गो एनिह्वेर, डु एनिथिङ)’ गर्न मद्दत गर्छ । 

नेपालमा नयाँ जीप कम्पास स्पोर्ट, लंगिच्युड, लिमिटेड र एस मोडेल गरी चार ट्रिममा उपलब्ध रहेको कम्पनीले जनाएको छ । यसको मूल्य ८४ लाख ९० हजारदेखि एक करोड ३६ लाख ९० हजार रूपैयाँसम्म छ ।