रुसको साइबेरियामा रहेको कोइलाखानीमा भएको दुर्घटनामा मर्नेको संख्या ५२ पुगेको छ । मर्नेहरूमा ६ जना उद्धारकर्मी समेत छन् । 

विस्फोटको खबर आएपछि २६० जनालाई उद्धार गरिएको छ । तीमध्ये ४० जना अस्पतालमा उपचार गराइरहेका छन् । 

बिहीवार अबेर आरआईए नोभोस्ती समाचार संस्थाले आकस्मिक सेवाका स्रोतहरूलाई उद्धार गर्दै हराइरहेका सबैजनाको मृत्यु भइसकेको अनुमान गरेको छ । तर रुसको इमरकोमले ३५ जना मजदूर र तीनजना उद्धारकर्मीको अवस्था थाहा हुन नसकेको बताएकाले आधिकारिक पुष्टि भएको छैन । 

कुजबास क्षेत्रमा रहेको लिस्टभ्याझ्स्काया खानीमा बिहीवार बिहान दुर्घटना भएको हो । खानीको भेन्टिलेसन श्याफ्टमा विस्फोट भएपछि खानीमा बाक्लो धूवाँ फैलिएको थियो । 

घटनाको फौजदारी अनुसन्धान शुरू गरिएको छ । खानीका निर्देशक, उपनिर्देशक र व्यवस्थापकलाई हिरासतमा लिइएको रुसको अनुसन्धान समितिले जनाएको छ ।