नेकपा एमालेको दशौं महाधिवेशन उद्घाटन समारोहमा शुभकामना दिन नेकपा माओवादी केन्द्रले स्थायी कमिटी सदस्य लीलामणि पोखरेललाई पठाएको छ । 

एमालेले माओवादी अध्यक्ष पुष्पकमल दाहाल प्रचण्डलाई नै निमन्त्रणा गरेकोमा लीलामणि अतिथि बनेका हुन् । आफूलाई कर्नरमा पार्न एमालेले चितवनमा महाधिवेशन राखेको भन्दै प्रचण्डले असन्तुष्टि जनाएका थिए । प्रचण्ड भने पार्टीको एक कार्यक्रममा सहभागी हुन शुक्रवार काभ्रे पुगेका छन् । 

शुक्रवार शुरू एमाले महाधिवेशनमा सहभागी हुन प्रधानमन्त्री एवं कांग्रेस सभापति शेरबहादुर देउवा चितवन पुगेका छन् । एमाले महाधिवेशन उद्घाटन कार्यक्रममा शुभकामना दिन विभिन्न राजनीतिक दलका नेताहरू चितवन पुगेका छन् ।