नेकपा एमालेको दशौं महाधिवेशनको सुरक्षार्थ २ हजार २ सय प्रहरी चितवनमा खटिएका छन् । 

शुक्रवार नारायणी नदी किनारमा भएको उद्घाटन समारोहका लागि २ हजार २ सय प्रहरी खटिएका हुन् । 

शनिवारदेखि सौराहामा हुने बन्दशत्रमा भने ५ सय प्रहरी खटिएका छन् । एमालेको महाधिवेशनको सुरक्षाका लागि प्रहरी प्रधान कार्यालायले एआईजी सहकुल थापाको नेतृत्वमा प्रहरी परिचालन गरेको थियो । 

एआईजी थापा चितवनमै आएर सुरक्षा कमाण्ड सम्हालेका थिए । माधिवेशनको सुरक्षाका लागि बागमती, गण्डकी र लुम्बिनी प्रदेशका नेपाल प्रहरीका डीआईजीसमेत परिचालन भएका थिए । 

प्रधानमन्त्री, पूर्वप्रधानमन्त्रीलगायत भीआईपी र महाधिवेशन प्रतिनिधिको सुरक्षाका लागि सशस्त्र प्रहरी पनि परिचालन गरिएको थियो ।