नेकपा एमालेको दशौं महाधिवेशनको बन्दसत्र झण्डै ५ घण्टा ढिलो गरी शुरू भएको छ । शनिवार बिहान १० बजे नै शुरू हुने भनिएको बन्दसत्र ढिलो शुरू भएको हो । 

अध्यक्ष केपी शर्मा ओली पौने १ बजे बन्दसत्र स्थलमा आइपुगेका थिए । ​बन्दसत्रको शुरूमा ओलीले सम्बोधन गर्ने कार्यक्रम रहेको एमाले सचिव योगेश भट्टराईले जानकारी दिएका छन् । 

विदेशी प्रतिनिधिहरुलाई बोल्न दिइसकेपछि विधान संशोधन प्रस्ताव पेश गर्ने र नयाँ नेतृत्व चयनको प्रक्रिया शुरू हुनेछ । 

सहमतिको प्रयास स्वरुप शुक्रवार मध्यरातमा बसेको एमाले केन्द्रीय कमिटी बैठकले पदाधिकारीको संख्या बढाउने तथा नयाँ निर्वाचित हुने केन्द्रीय सदस्यको संख्या ३०१ पुर्‍याउने निर्णय गरेको थियो ।