नेकपा एमालेको दशौं महाधिवेशनको बन्दसत्र जारी छ । 

चितवनमा जारी महाधिवेशनको बन्दसत्र शनिवार बिहान १० बजे नै शुरू हुने भनिए पनि झण्डै ५ घण्टा ढिलो गरी शुरू भएको हो । 

अहिले विदेशी प्रतिनिधिहरूको सम्बोधन चलिरहेको छ । उपस्थित विदेशी अतिथिको सम्बाेधन सकिएको छ । अन्य विदेशी प्रतिनिधिले पठाएको शुभकामना नेता राजन भट्टराईले पढेर सुनाइरहेका छन् । 

त्यसपछि विधान संशोधन प्रस्ताव पेश गर्ने र नयाँ नेतृत्व चयनको प्रक्रिया शुरू हुने बताइएको छ । 

सहमतिको प्रयास स्वरुप शुक्रवार मध्यरातमा बसेको एमाले केन्द्रीय कमिटी बैठकले पदाधिकारीको संख्या बढाउने तथा नयाँ निर्वाचित हुने केन्द्रीय सदस्यको संख्या ३०१ पुर्‍याउने निर्णय गरेको थियो ।