अध्यक्षमा उम्मेदवारी दिने घोषणा गरेका नेकपा एमालेका प्रभावशाली नेता भीम रावलले नेतृत्व छान्ने जिम्मा एक व्यक्तिलाई दिने व्यबस्था विधानको विपरित भएको बताएका छन् ।

चितवनको सौराहामा जारी बन्दशत्रमा कुरा राख्दै रावलले विधानका निर्वाचनको व्यबस्था रहेकोले व्यक्तिले बनाएको लिष्ट मान्य नहुने बताएका हुन् ।

बन्दशत्रले नेतृत्व छान्ने जिम्मा ओलीलाई दिएको थियो ।

‘नेतृत्व छान्ने जिम्मा एक व्यक्तिलाई दिने निर्णय विधानको व्यबस्था विपरित छ, सजिलो परेको बेलामा विधि र विधानको विपरित व्यबस्था गर्दा भविष्यमा विष बन्न जान्छ । विधानमा राष्टिय महाधिवेशनमा निर्वाचन गर्ने व्यबस्था गरिएको छ । केही व्यक्तिलाई यस्तो अधिकार दिन मिल्दैन कि कि कहिलै चुनावै नगर्ने भनौं,’ रावलले भने ।