नेकपा एमालेको दशौं महाधिवेशनबाट नेतृत्व चयन गर्दा सचिव पदमा पनि मतदान हुने भएको छ । 

केपी ओलीले गरेको प्रस्तावमा असन्तुष्टि जनाउँदै नेताहरुले सचिवमा उम्मेदवारी दिएका छन् । 

यसअघि सचिव रहेका भीम आचार्य र चीनका लागि पूर्व राजदूत रहिसकेका टंक कार्कीले उम्मेदवारी मनोनयन गरेका छन् । 

नेतृत्व चयनमा प्रतिस्पर्धाले मात्र एमालेलाई गतिशील बनाउने भएकोले उम्मेदवारी दिएको बताए । ‘सर्वसम्मतिले मात्र पार्टीको एकता हुन्छ भन्ने कुरा हाम्रो अनुभवले दिएको छैन,’ कार्कीले भने, ‘अरू अयोग्य भनेका छैनन्, म सचिवका लागि योग्य व्यक्ति हुँ ।’

ओलीले सोमवार बिहान साढे ३ बजे बन्दसत्रमा गोकर्ण विष्ट, योगेश भट्टराई, टोपबहादुर रायमाझी, लेखराज भट्ट, छवीलाल विश्वकर्मा, रघुवीर महासेठ र पद्मा अर्याललाई सचिव प्रस्ताव गरेका थिए । 

अध्यक्षमा केपी ओलीलाई चुनौती दिन भीम रावलले उम्मेदवारी दर्ता गराइसकेका छन् ।