सोमवार शेयर बजार मापक नेप्से परिसूचक २१.४८ अंकले घटेर २६३०.०१ बिन्दुमा झरेको छ ।

कारोवार समय अवधिभर तीव्र उतारचढाव आएको बजार २६७७ अंकसम्म उक्लिएको थियो । तर बिक्री चाप अधिक आएपछि बजार पुनः ओरालो लागेको हो ।

नेप्से घटेसँगै सोमवार कारोवार रकममा पनि ओरालो लागेको छ । आइतवार ५ अर्ब ८३ करोडको शेयर कारोवारमा आएकोमा सोमवार १ अर्ब ८३ करोडले घटेर ४ अर्बमा खुम्चिएको छ ।

यसदिन २२८ कम्पनीको ८२ लाख २५ हजार ८२२ कित्ता शेयर ५१ हजार १३८ वटा संख्यामा खरीद बिक्री हुँदा कारोवार रकम ४ अर्ब ८९ लाख ३७ हजार १३३ रुपैयाँ कायम भएको छ । ७४ कम्पनीहरको शेयर मूल्य बढेको छ १४२ कम्पनीको शेयरमूल्य घटेको छ । ११ कम्पनीको शेयरमूल्य स्थीर छ ।

सोमवार कारोवारमा आएका जलविद्युत र म्युचुअल फण्ड सामान्य सकारात्मक हुँदा दश उपसमहुगत सूचक राताम्मे बनेका छन् । होटल सर्वाधिक २ं२५ प्रतिशतले घटेको बजारमा अन्य र विकास बैंक पनि १ प्रतिशत बढीले घटेका छन् ।

यसदिन न्यादी जलविद्युत कम्पनी र सामलिङ्ग पावरको शेयर मुल्यमा सकारात्मक सर्किट लागेर कारोवार भएको छ । न्यादीको शेयर २८.२० रुपैयाँ बढेर ३१०.५० रुपैयाँ पुग्दा सामलिङ्ग पावरको ३४.६० रुपैयाँ बढेर ३८१.४० रुपैयाँ पुगेको छ । उता चलखेल गरी आइतवार बढाइएको आईसिएफसि फाइनान्सको शेयरमूल्यमा भने नकारात्मक सर्किट लागेर घटेको छ । फाइनान्सको शेयर ९३.२० रुपैयाँ घटेर ८३८ रुपैयाँमा झरेको हो । चन्द्रागिरि हिल्स, महालक्ष्मी विकास बैंकको शेयरमूल्य ५ प्रतिशतभन्दा धेरैले घटेको छ ।

आज महालक्ष्मी विकास बैंकको शेयर सबैभन्दा धेरै ६१.०४ करोडको खरिद बिक्री भएको छ । नेशनल हाइड्रोपावरको १५.१२ करोड तथा र आईसिएफसि फाइनान्सको १२.४९ करोडको शेयर कारोवारमा आएको छ ।