भारतसँग अग्लो भूभागमा तनाव जारी रहेको अवस्थामा चिनियाँ सैनिकहरूले ५२ सय मिटरको उचाइमा नाचेको भिडियो भाइरल बनिरहेको छ । 

१६ सेकेन्डको यस भिडियो चीनको परराष्ट्र मन्त्रालयकी प्रवक्ता हु चुनयिङले ट्वीट गरेकी हुन् । उनले भिडियोको ट्वीटमा ‘कूल यान्ड क्युट’ क्याप्सन लेखिन् । भिडियो भाइरल बनिरहेको छ । 

चिनियाँ सैनिकहरू हिमालय क्षेत्रको अग्लो उचाइमा बिरामी परिरहेको खबर आएको बेलामा चीनले यो प्रोपागान्डा भिडियो सार्वजनिक गरेको हो । सैनिकहरूलाई बान्ता आउने, छेर लाग्ने र हिउँले खाने समस्या देखिएकाले सैनिकको डफ्फा फेर्नुपरेको थियो ।

चीनको सेन्ट्रल मिलिटरी कमिसनको लजिस्टिक सपोर्ट डिपार्टमेन्टले नोभेम्बर महिनाको पहिलो सातामा हिमालयको अप्ठ्यारो वातावरणमा लड्ने क्षमता सुधार्न समुद्र सतहभन्दा ३ हजार मिटरमाथिका क्षेत्रमा तैनाथ सैनिकहरूका लागि पोर्टेबल उपकरणहरू आपूर्ति गरेको जनाएको छ ।

भारत सीमा नजिकका क्षेत्रमा चीनले रकेट, क्षेप्यास्त्र र आर्टिलरीको नयाँ युनिट पनि तैनाथ गरेको छ ।
 

Chinese soldiers dancing at 5,200 meters in altitude during break time. Cool & cute! pic.twitter.com/4AWldKPFyP

— Hua Chunying 华春莹 (@SpokespersonCHN) November 28, 2021