यस वर्षको बालोन डीओर लियोनल मेसीलाई दिइएपछि उनका प्रतिस्पर्धी क्रिस्टियानो रोनाल्डोले चित्त दुखाएका छन् । 

रोनाल्डोका एक समर्थकले उक्त अवार्ड रोनाल्डो वा रोबर्ट लेवान्डोस्कीलाई दिइनुपर्नेमा मेसीले हडपेको भनी पोस्ट लेखेपछि रोनाल्डोले त्यसलाई सही हो भन्दै ‘तथ्य’ को संज्ञा दिएका छन् । 

रोनाल्डोभन्दा पनि लेवान्डोस्की गोल्डेन बलका हकदार थिए र उनलाई पोहोर साल पनि ठगिएको थियो । मेसीले कोपा अमेरिका जितेकै भरमा अवार्ड दिइएको हो । 

रोनाल्डो समर्थकले उनको उपलब्धिको गन्ती गरेका थिए भने मेसीको योगदानको अवमूल्यन गरेका थिए । रोनाल्डोले पोस्टलाई लाइक गरेका थिए अनि फ्याक्टोस अर्थात् सही हो भनी कमेन्ट गरेका थिए । 

त्यसअघि रोनाल्डोले जित्नेहरूलाई बधाई दिने र खेल भावना देखाउने भनी पोस्ट गरेका थिए तर लगत्तै तुच्छ पोस्टलाई लाइक गरेर आफ्नो मनको भडास पोखेपछि उनको आलोचना भइरहेको छ ।