कक्षा १२ को नतिजा प्रकाशित भएको छ । राष्ट्रिय परीक्षा बोर्डको शुक्रवार बिहानको बैठकले नतिजा सार्वजनिक गर्ने निर्णय गरेको हो।

परीक्षामा सात हजार ३६ परीक्षार्थीले ‘ए प्लस’ ल्याएका छन् । ‘ए’ ग्रेड ल्याउने परीक्षार्थीको संख्या ४८ हजार २३९ छ ।

यस्तै, ७० हजार एक परीक्षार्थीले ‘बी प्लस’ ल्याएका छन् ।

बोर्डका अनुसार ‘बी’ ग्रेड ल्याउने परीक्षार्थीको संख्या ९९ हजार ५३७ छ । ‘सी प्लस’ ल्याउने परीक्षार्थीको संख्या ७५ हजार ८८  र  ‘सी’ ग्रेड ल्याउनेको संख्या २४ हजार ५१५ जना रहेको बोर्डले जनाएको छ । 

कक्षा १२ को परीक्षा भदौ ३० देखि असोज ८ सम्म चलेको थियो ।