माघ २२, २०८०
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
सुरक्षा निकायका अवकाशप्राप्त उच्च अधिकारीहरूको रुचि राजनीतिक क्षेत्र बन्न थालेको छ ।
कतिपयले पदमा रहँदा नै देखाएको झुकावका आधारमा अवकाशपछि राजनीतिक आबद्धतालाई सक्रिय बनाउँदै आएका छन् ।
अवकाशपछि राजनीतिक दलमा सक्रिय रहनेमा पूर्वप्रहरी महानिरीक्षक (आईजीपी), अतिरिक्त प्रहरी महानिरीक्षक (एआईजी), प्रहरी नायब महानिरीक्षक (डीआईजी)समेत रहेका छन् । यस्तै वरिष्ठ उपरीक्षक (एसएसपी), प्रहरी उपरीक्षक (एसपी) तथा नायब प्रहरी उपरीक्षक (डीएसपी)हरू पनि पार्टी प्रवेशसँगै चुनावी प्रतिस्पर्धामा उत्रिएका छन् ।
सङ्गठनमा रहँदा विवादमा परेका र भ्रष्टाचारलगायतका आरोप लागेका कतिपय पूर्वप्रहरी विगतमा आफूमाथि लागेका आरोप र मुद्दाबाट जोगिने उद्देश्यले राजनीतिक संरक्षणका लागि विभिन्न दलमा प्रवेश गर्ने गरेको चर्चा बढी हुने गरेको छ ।
राजनीति शास्त्रका प्राध्यापक डा. लोकराज बरालले अवसर खोज्ने र व्यक्तिगत स्वार्थ पूरा गर्नका लागि विभिन्न पृष्ठभूमिका व्यक्ति राजनीतिक दलमा प्रवेश गर्ने गरेको बताए । नेपालजस्ता विकासशील राष्ट्रमा राजनीतिक दल प्रवेश स्वार्थ केन्द्रित रहँदा आदर्श राजनीति शून्यप्रायः रहेको भन्दै उहाँले नेपालको राजनीतिमा पद, पैसा र शक्ति हावी हुँदा विवादित तथा फरक पृष्ठभूमिका व्यक्ति पार्टी प्रवेश गर्ने गरेको बताए ।
“जसले बढी रकम दिनसक्छ उसलाई नेताहरूले पार्टीमा अवसर दिने र पार्टीमा लाग्नेहरूले त्यसलाई गलत रूपमा प्रयोग गरेर अकुत सम्पति आर्जन गर्ने नेपालको राजनीतिमा सामान्यजस्तै भइसकेको छ” डा. बरालले भने।
पूर्वआईजीपी मोतीलाल बोहोरा, ध्रुवबहादुर प्रधान, प्रदीपशमशेर जबरा, रवीन्द्रप्रताप शाह, सर्वेन्द्र खनाल, सशस्त्र प्रहरी बलका पूर्वएआईजी ऋषभ भट्टराई, पूर्वडीआईजी नवराज सिलवाल, रमेश खरेल, गणेश राई, पूर्वएसएसपी सनमसिंह कुर्मीलगायतको पार्टी प्रवेशले कुनै बखत निकै चर्चा पाएको थियो । पूर्वआईजीपी बोहोरा अछामबाट नेपाली काँग्रेसको महाधिवेशन प्रतिनिधि चुनिएका छन् । राप्रपामा आबद्ध प्रधान हाल भइरहेको एकता महाधिवेशनमा उपाध्यक्ष पदका प्रतिस्पर्धी छन्।
नेकपा (माओवादी केन्द्र) निकटका शाह केन्द्रका तर्फबाट संविधान सभा सदस्य बनेका थिए । पूर्वआईजीपी जबरा शरतसिंह भण्डारी नेतृत्वको तत्कालीन राष्ट्रिय मधेस समाजवादी पार्टीका तर्फबाट प्रतिनिधि सभा सदस्यमा पराजित हुनुभएको थियो भने पूर्वडीआईजी गणेश राई र पूर्वएसएसपी कुर्मी पनि सोही पार्टीमा आबद्ध थिए ।
पूर्वआईजीपी खनाल औपचारिक रूपमा एमालेमा प्रवेश नगरे पनि पार्टीका गतिविधिमा सक्रिय छन् । पूर्वडीआईजी सिलवाल एमालेका तर्फबाट ललितपुर क्षेत्र नम्बर १ का सांसद हुनुहुन्छ भने खरेल हाम्रो नेपाल सुशासन नामक अभियानका संयोजक रही भ्रष्टाचारविरुद्धको अभियानमा सक्रिय छन् ।
पूर्वएसएसपी वसन्त कुँवर नेतृत्वको पूर्वप्रहरी सङ्गठन एमालेमा प्रवेश गरेको विषयलाई प्रहरी प्रधान कार्यालयले आपत्ति जनाएपछि उनीहरू फिर्ता हुनु परेको थियो । पूर्वएसएसपी दीपक रञ्जित, पूर्वएसपी दिलीप बस्नेत र डीएसपी हरिहर श्रेष्ठ राप्रपामा आबद्ध छन् ।
पूर्वआईजीपी खनालमाथि प्रहरीको जिन्सी खरिदमा अनियमितता भएको उजुरीबारे अख्तियार दुरुपयोग अनुसन्धान आयोगमा अनुसन्धान भइरहेको छ । उनीमाथि इन्काउन्टर तथा अपहरण आरोप लागेको थियो । यी तीनवटै मुद्दा विचाराधीन छन् । पूर्वडीआईजी तथा एमाले सांसद सिलवालमाथि आईजीपीको प्रतिस्पर्धामा रहेका बेला कार्यसम्पादन मूल्याङ्कन किर्ते गरेको आरोप लागेको थियो ।
प्रहरीले यस विषयमा सिलवालसँग पटक पटक बयान लिइसकेको छ भने अनुसन्धान जारी छ । सुरक्षा निकायमा रहँदाको विज्ञता राजनीतिमा काम लाग्ने धारणा पनि आएको छ । नेपाल प्रहरीका पूर्वडीआईजी हेमन्त मल्लले प्रहरी सङ्गठनमा रहँदा कुशल कार्य दक्षता देखाएका र देश विदेशको समेत राम्रो अनुभव लिएका पूर्वप्रहरी अधिकारीहरूको राजनीतिक सक्रियतालाई सकारात्मक रूपमा लिनुपर्ने बताए । विवादित र विभिन्न आरोपमा मुद्दा खेपिरहेका प्रहरी अधिकारीको पार्टी प्रवेश रोक्न राजनीतिक दल आफैँ चनाखो रहनुपर्ने बताउँदै उनले भने, “विदेशमा पनि अवकाशपछि प्रहरीहरू राजनीतिमा सक्रिय रहेको पाइन्छ । अनुभवी व्यक्ति राजनीतिमा प्रवेश गर्नु आवश्यक पनि छ । यसलाई अन्यथा लिनु हुँदैन ।”
नेपाली काँग्रेसका नेता महेश आचार्यले गलत व्यक्तिको प्रवेशलाई निरुत्साहित गर्नुपर्ने तर पार्टी प्रवेशलाई साँघुरो कोणबाट हेर्नु गलत हुने तर्क गरे । दल प्रवेश गर्न चाहनेलाई रोक्न नमिल्ने बताउँदै उनले भने, “गलत नियत बोकेका व्यक्तिका बारेमा दल सजग रहनुपर्दछ ।”
नेकपा (एमाले)का सचिव योगेश भट्टराईले अवकाशपछि पार्टी प्रवेश गर्ने प्रवृत्तिलाई निरुत्साहित गर्नुपर्ने बताउँदै कुनै पनि विवादमा फसेका, भ्रष्टाचार, कर छली, गुण्डागर्दीजस्ता गलत कार्यमा संलग्न व्यक्तिलाई पार्टीमा प्रवेश दिन नहुने बताए । “राष्ट्रसेवक कर्मचारी सरकारी सेवाबाट अवकाश भएलगत्तै दोस्रो नियुक्ति लिने र अवकाश भएपछिको निश्चित समयपछि मात्र प्रवेश पाउने प्रावधान राख्नुपर्छ,” उनले भने। मित्र भण्डारीले गोरखापत्र दैनिकमा खबर लेखेका छन् ।
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...