पसलबाट किनेर ल्याएको सोफाभित्र ५ फिट लामो सर्प भेटियो भन्दा पत्याउन गाह्रो पर्ला । तर अमेरिकाको फ्लोरिडामा एक जनाले किनेर घरमा ल्याएको सोफामा सर्प भेटिएको छ ।

भर्खरै किनेर ल्याएको सोफाभित्र लामो सर्प भेटिएपछि सर्वसाधारण त्रसित बनेर प्रहरीलाई खबर गरेका थिए । प्रहरीले घरमा आएर सर्पलाई नियन्त्रणमा लिएर लगेका छन् ।

प्रहरीका अनुसार सर्प सोफाभित्र लुकेको थियो । त्यसैले प्रहरीले सोफालाई घरबाहिर निकालेर नियन्त्रणमा लिएको थियो ।

घरबाहिर निकालेर सोफालाई हल्लाउँदै सर्पलाई सोफाबाहिर निकालिएको जनाइएको छ ।