नारायणी डेभलपमेन्ट बैंक लिमिटेडले १ बराबर १ (१:१) अर्थात १००% हकप्रद शेयर निष्काशनको लागि मंसिर २४ गते शेयर दाखिल खारेज बन्द गर्दै छ।

तसर्थ, आजको मितिसम्म कारोबार गरी कायम शेयरधनीहरूले मात्र बैंकको हकप्रदमा आवेदन दिन पाउने छन्।

बैंकले हाल कायम चुक्ता पूँजी रु.१३ करोड १२ लाख ३३ हजार ८ सयको १००% अर्थात रु.१३ करोड १२ लाख ३३ हजार ८ सय बराबर हुन आउने १३ लाख १२ हजार ३ सय ३८ कित्ता हकप्रद शेयर निष्काशन गर्न लागेको हो।

निष्काशन मिति २०७८ पौष ७ देखि २७ गते बैंकिङ्ग समयसम्म खुल्ला रहने छ। यस्तै, हकप्रद शेयर निष्काशन तथा बिक्री प्रबन्धकको काम ग्लोबल आइएमई क्यापिटल लिमिटेडले गर्नेछ।

नारायणी डेभलपमेन्ट बैंकको मिति २०७८ जेष्ठ २० गतेको जानकारी अनुसार नेपाल राष्ट्र बैंक समक्ष १ बराबर २ (१:२) अर्थात २००% हकप्रद शेयर निष्काशन गर्न अनुमति मागेको मा १००% को लागि मात्र स्वीकृति पाएको थियो।