गायिका सुनिता दुलाल र गायक प्रताप दासको स्वरमा रहेको  ‘मायाको डोरी’ बोलको गीत सार्वजनिक भएको छ । 

उक्त गीतको भिडियो सुनिता दुलाल युट्युब च्यानलमार्फत सार्वजनिक भएको हो । 

गीतमा बबिता बानियाँ जेरीको शब्द तथा संगीत रहेको छ । कमल सौरागले संगीत संयोजन गरेको गीतलाई श्यामश्वेत रसाइलीले मिक्सिङ/मास्टरिङ गरेका हुन् ।

भिडियोमा अभिनेता पल शाह, अभिनेत्री केकी अधिकारी, मोडल अन्जना रसाइली, भोजराज शर्मा, निमा ल्हामु शेर्पा लगायतको अभिनय छ । 

काजिश श्रेष्ठले निर्देशन गरेको भिडियोमा उत्सव दाहालले छायाँकन गरेका हुन् । भिडियोलाई प्रबिन श्रेष्ठले सम्पादन गरेका हुन् भने गीतलाई राइज मिडिया नेटवर्कले पोष्ट प्रोडक्सन गरेको हो ।

यसअघि सुनिता र प्रतापले गाएको 'बाँसको कप्टेरो' बोलको गीतले सर्वाधिक चर्चा पाएको थियो । 

योसँगै सुनिताको ‘मुखैमा चिनी’, ‘चुरा टीका लाली’, ‘झम्के फुली’, ‘माया वास्तै नगर्नी’, ‘यसपालि नि दर खाने’ लगायतका गीत चर्चामा छन् ।