नेपाली कांग्रेसको १४ औं राष्ट्रिय महाधिवेशन अन्तर्गत महामन्त्री पदको बहुप्रतिक्षित मतगणना बिहीवार बिहान करीब साढे १० बजेबाट शुरू भएको छ ।

उम्मेदवारका प्रतिनिधि आइपुग्न ढिला हुँदा मतगणना केही ढिला गरी शुरू भएको हो । दुई महामन्त्रीको टुंगो लगाउन ३ ठाउँमा मतगणना भइरहेको छ ।

महामन्त्रीको दुई पदका लागि गगन थापा, विश्वप्रकाश शर्मा, डा. प्रकाशशरण महत, प्रदीप पौडेल, डा. मीनेन्द्र रिजाल र राजाराम कार्की प्रतिस्पर्धामा छन् ।

थापा र रिजाल डा. शेखर कोइराला प्यानलका हुन् भने महत र पौडेल सभापति शेरबहादुर देउवा प्यानलबाट उम्मेदवार बनेका हुन् ।

कार्कीले भने विमलेन्द्र निधि प्यानलबाट उम्मेदवारी दिएका छन् ।