नेपाली कांग्रेसको केन्द्रीय सदस्यका लागि खुलातर्फ उम्मेदवारी दिएका डा. मुकेशराज काफ्लेले अत्यन्त लज्जास्पद भोट प्राप्त गरेका छन् । 

आइतवार दिउँसो सवा ३ बजेसम्म २ हजार ९९३ भोट गणना हुँदा काफ्लेले मात्र २८९ भोट पाएका छन् । सबभन्दा धेरै डा. शशांक कोइरालाले दुई हजार ४४२ मत पाएका छन् । 

नेपाल विद्युत प्राधिकरणका पूर्व कार्यकारी निर्देशक रहेका काफ्लेले नेपालबाट लोडसेडिङ अन्त्य भए कुनै सार्वजनिक पद धारण नगर्ने बताएका थिए ।

नेपाल विद्युत प्राधिकरणमा कुलमान घिसिङ आउनुपूर्व काफ्ले कार्यकारी थिए । उनी पुल्चोक इन्जिनियरिङ क्याम्पसमा अध्यापनरत छन् । सरकारी संस्थामा कार्यरत व्यक्ति पार्टीको अधिवेशनमा लडेको भन्दै उनको आलोचना भएको थियो ।