२६ जेठ २०८३, मंगलबार
प्रतिनिधि सभाको मंगलवारको बैठकमा पनि एमालेले अवरोध जारी राखेको छ ।
पार्टीका तर्फबाट १४ सांसदलाई गरिएको कारवाही अनुसारको सूचना सभामुखले प्रकाशित नगरेको विरोधमा एमालेले भदौ २३ गतेदेखि संसदमा नाराबाजी गर्दै आएको छ ।
एमालेले माधव नेपालसहित पार्टीका तत्कालीन १४ सांसदलाई कारवाही गरेको थियो ।
तर, सभामुखले तत्काल सूचना प्रकाशित नगरी केही दिन ढिलाइ गरेपछि एमाले औपचारिक रूपमा विभाजित भयो अनि सभामुखले त्यही कारण देखाउँदै सूचना प्रकाशित गर्नु नपर्ने निर्णय गरे ।
त्यसैको विरोधमा एमालेले संसदमा अवरोध गर्दै आएको छ । कि त कारवाहीको सूचना प्रकाशित गर्नुपर्ने कि सभामुखले राजीनामा दिनुपर्ने एमालेको अडान छ ।
अहिले ती १४ सांसद नेकपा (एकीकृत समाजवादी) पार्टीमा छन् ।
मंगलवार एमालेको नाराबाजीका बीच नेमकिपाका प्रेम सुवालले यौन हिंसाविरुद्धका केही ऐनलाई संशोधन गर्ने अध्यादेशविरुद्ध विरोधको सूचना पेश गरेका छन् ।
