×

X
Dabur
Nic Asia
Marvel

उदाहरणीय सिंगापुर

सिंगापुरको चामत्कारिक सफलताको कथा : यी ५ कारणले धनी बन्यो सानो एसियाली मुलुक

काठमाडाैं | पुस १५, २०७८

Photo : CNN
TVS INSIDE

सिंगापुर, हङकङ, दक्षिण कोरिया र ताइवानलाई एसियाका चार बाघहरू भन्ने गरिन्छ । केही महिनाअघि सिंगापुरले अमेरिका र हङकङलाई पछि पारेर संसारको सबभन्दा प्रतिस्पर्धात्मक अर्थतन्त्रको दर्जा हासिल गरेको थियो । 

IME BANK INNEWS
morang Auto yamaha

स्विट्जरल्यान्डको बिजनेस स्कूल आईएमडीले जारी गरेको सूचीमा सिंगापुर अग्रस्थानमा रहेको हो । आईएमडीले कुनै पनि देशमा कम्पनीहरूले दिगो विकास हासिल गर्न, रोजगारी उत्पन्न गर्न तथा नागरिकहरूको कल्याणमा वृद्धि गर्न कत्तिको वातावरण पाउँछन् भन्ने आधारमा सूची तयार पार्ने गर्छ । 


Advertisment
NMB BANK
RMC TANSEN
Saurya island

सिंगापुर अत्याधुनिक प्राविधिक पूर्वाधार, दक्ष श्रमिकको उपलब्धता, सहज आप्रवासन कानून र नयाँ व्यापार शुरू गर्नका लागि सहजताका कारण शीर्ष स्थानमा रहन सफल भएको बताइन्छ । 

दक्षिणपूर्वी एसियाको सानो मुलुकले यस्तो उपलब्धि कसरी हासिल गर्न सक्यो ? सिंगापुरमा दुई वर्षभन्दा बढी समय बिताएका एक विदेशीको आँखामा उक्त मुलुकको सफलताका कारणहरू बखान गरिएको छ । 

Vianet communication
Maruti inside

१. भूगोल र छिमेक

सिंगापुर दक्षिणपूर्वी एसियाको बीच भागमा रणनीतिक रूपमा अवस्थित व्यापार तथा बन्दोबस्तीको सामानको केन्द्र हो । उदाहरणका लागि, जापान र दक्षिण कोरिया जस्ता पूर्वी एसियाली मुलुकहरूमा तेल निर्यात गर्नुछ भने पश्चिम एसियाबाट आएका कन्टेनर जहाजहरू छोटो बाटोका लागि सिंगापुरस्थित मलक्का जलसन्धि हुँदै जानुपर्ने हुन्छ । 

ती जहाजले बीचमा तेल नहालिकन पूरा यात्रा गर्न सक्दैनन् । त्यसैले कन्टेनर जहाजहरूका लागि व्यापारको केन्द्रका रूपमा सिंगापुर प्राकृतिक रूपमा नै सही भूगोलमा छ । 

२. स्थिर राजनीतिक वातावरण र नीति

पिपुल्स एक्सन पार्टी सिंगापुरको प्रमुख मध्यमार्गी– दक्षिणपन्थी राजनीतिक दल हो । सन् १९५४ मा स्वतन्त्रता माग्दै खोलिएको दल त्यसअघि विद्यार्थी संगठनका रूपमा रहेको थियो । यसले सिंगापुरको राजनीतिक प्रणालीमा प्रभुत्व जमाउँदै आएको छ । 

उक्त दलका एक संस्थापक सदस्य ली क्वान यू सिंगापुरका प्रथम प्रधानमन्त्री हुन् । उनले तीन दशकसम्म शासन चलाए । लीलाई सिंगापुरका राष्ट्रपिता मानिन्छ र उनकै नेतृत्वमा तेस्रो विश्वको मुलुक पहिलो विश्वको मुलुकका रूपमा विकसित भएको हो ।

लीले विभिन्न विधि अपनाएर देशमा कठोर एकदलीय शासन चलाए जसले गर्दा उनलाई सानो मुलुकमा आफ्नो विशाल भिजनलाई साकार पार्नका लागि वास्तविक शक्ति दियो । 

स्थिर एकदलीय शासन भएको राजनीतिक प्रणालीले आर्थिक वृद्धिका लागि मलिलो आधार प्रदान गरेको छ । ली जस्ता दूरदृष्टि भएका नेताको आकर्षक नेतृत्वमा सिंगापुर अन्य विकासशील मुलुकहरूभन्दा निकै अघि बढ्न सकेको हो । 

मास्टर प्लान नामक सरकारी भूमिप्रयोग योजनाले सिंगापुरलाई मध्यकालीन अर्थात् १० देखि १५ वर्षसम्मको विकासलाई निर्देशन गर्छ । यसलाई प्रत्येक पाँच वर्षमा समीक्षा गरिन्छ र यसले सरकारको बृहत् दीर्घकालीन रणनीतिलाई विस्तृत योजनामा परिणत गर्छ जसमार्फत भूमि र घरजग्गाको विकासलाई निर्देशित गरिन्छ । 

दक्षिण कोरियामा यसको ठ्याक्कै विपरीत हुने गरेको छ । त्यहाँ सरकार परिवर्तन हुनेबित्तिकै पूर्व सरकारको नीतिलाई उल्ट्याइने गरिन्छ । उदाहरणका लागि, राष्ट्रपति मून जे–इन सत्तामा आएपछि आणविक विद्युत् भट्टीहरूलाई बन्द गराए । विगत कैयौं दशकमा विकसित भएको ठूलो उद्योग ध्वस्त भयो । दीर्घकालीन योजना बनाउने हो भने नीतिमा स्थिरता हुनु जरूरी छ भन्ने कुरा यसले देखाउँछ । 

हङकङ पनि सिंगापुर जस्तै सानो नगरराज्य हो र त्यहाँ पनि कारोबारमैत्री वातावरण छ अनि त्यहाँ विगतमा धेरै लगानी हुने गरेको थियो । तर हालैका दिनमा हङकङमा देखिएको राजनीतिक अस्थिरताले कसरी राजनीतिक जोखिमबाट व्यापारलाई नकारात्मक असर पार्छ भनी देखाएको छ । 

३. चुस्तदुरुस्त तथा सक्षम सार्वजनिक क्षेत्र

सिंगापुरका प्रतिभाशाली युवा सरकारी छात्रवृत्तिमा विदेश पढ्न जान्छन् । पढाइ सकेपछि उनीहरूलाई सिंगापुर फर्किन र कैयौं वर्षसम्म सार्वजनिक क्षेत्रमा काम गर्न लगाइन्छ । 

त्यसबाहेक सिंगापुरमा सरकारी कर्मचारीहरूलाई राम्रो तलब दिने नीति लामो समयदेखि नै छ । कर्मचारीहरू प्रतिस्पर्धात्मक रहिरहून् भनी सरकारले तलबको समीक्षा तथा सुधार नियमित रूपमा गर्ने गरेको छ ।

देशले आर्थिक लाभ पाएसँगै सरकारी कर्मचारीले पनि बोनस पाउने गरेका छन् । 

राम्रो तलब पाएमा सरकारी कर्मचारीले भ्रष्टाचार गर्दैनन् भन्ने विश्वासका आधारमा यी नीतिहरू बनाइएका हुन् । सार्वजनिक क्षेत्रमा भ्रष्टाचार गरिएमा सरकारले दोषीलाई निकै कठोर कारवाही गर्छ ।

राम्रोलाई पुरस्कार र खराबलाई दण्ड दिने यस नीतिका कारण सिंगापुरमा सरकारी क्षेत्रप्रतिको आकर्षण बढाएको छ । प्रतिभाशाली नागरिकहरू सरकारी काम गरेर समाजलाई योगदान गर्न चाहन्छन् । 

यसको प्रभावकारिताको एक उदाहरण यातायात मन्त्रालयले प्रस्तुत गरेको छ । यस मन्त्रालयले सार्वजनिक यातायात प्रणालीका विषयमा मिश्रित दृष्टिकोण अपनाएको छ ।

त्यसअन्तर्गत उसले राष्ट्रियकरण गरिएको प्रणालीको कामकाज (सरकारले बस सेवा, रेल लाइन र सञ्चालन मापदण्डको निगरानी गर्ने) सँग निजी क्षेत्रको कार्यक्षमता (निजी कम्पनीहरूले गर्ने बस र ट्रेन सञ्चालन) लाई मिश्रण गर्ने गरेको छ । 

४. व्यापारमैत्री वातावरण

सिंगापुर करको कम दरहरूका लागि प्रख्यात छ । त्यहाँ आय र कर्पोरेट करहरू संसारकै सबभन्दा कममा गनिन्छन् । त्यसमाथि विभिन्न करमा छुट पनि दिने गरिन्छ । पूँजीगत लाभ, लाभांश, पैतृक धन र उपहारमा कुनै कर लाग्दैन । सुन र चाँदीको कारोबार केन्द्र बन्न खोजेको सिंगापुरमा तिनको कारोबारमा कुनै कर लगाइँदैन । 

सरकारले महत्त्वपूर्ण क्षेत्र तथा उद्योगहरूमा गर्ने सहयोगले विदेशी लगानी तथा कम्पनीहरूलाई आकर्षित गर्न महत्त्वपूर्ण भूमिका खेल्छ । अझ, सरकारी कर्मचारीहरू प्रायः जसो शिक्षित सम्भ्रान्त हुन्छन् र उनीहरूलाई कुन उद्योगमा जोड दिने र प्रवर्धन गर्ने भन्ने कुरा थाहा छ । 

५. असमानताका बावजूद सहज जीवनयापन

द्रुत गतिमा आर्थिक वृद्धि हुँदा असमानता बढ्नु अवश्यम्भावी छ । जिनी कोएफिसिएन्टमार्फत मापन गर्दा सिंगापुरमा असमानता उच्च नै देखिन्छ ।

सरकारले क्षमतामा आधारित प्रणाली (मेरिटोक्रेसी) मा विश्वास राख्ने गरेको र कम सुविधा पाएका व्यक्तिहरूलाई अवसरमा पहुँच दिलाउनका लागि व्यावहारिक दृष्टिकोण अपनाउने गरेको छ । सबैजनाको उदय होस् भन्नका लागि कम सुविधा पाएकाहरूलाई उपलब्ध अवसरको भरपूर फाइदा उठाउन र खाडलहरू पुर्न सरकारले प्रयास गर्ने गरेको छ । 

असमानता उच्च भए पनि सिंगापुरमा कम धन भएकाहरूलाई सहजै जीवनयापन गर्नका लागि वातावरण बनाइएको छ । 

सिंगापुरको बस र सबवे लगायतको सार्वजनिक यातायात गुणस्तरीय छ अनि बेलायत र अमेरिका जस्ता विकसित मुलुकहरूको तुलनामा सस्तो पनि छ । 

सिंगापुरमा कार किन्न चाहिँ साह्रै महंगो पर्छ । सरकारले गाडीहरूको संख्यालाई सीमित बनाउनका लागि कारको लाइसेन्स लिन चर्को मूल्य तिर्नुपर्ने बनाएको छ ।

लाइसेन्सको दस्तुर निकै चर्को भएकाले सिंगापुरमा दक्षिण कोरियाको भन्दा तीनगुणा बढी पैसा तिरेर मात्र कार किन्न सकिन्छ ।  

आवास र भोजनमा पनि ठूलो भिन्नता छ । एकातर्फ सिंगापुरवासीहरू सरकारको हाउजिङ यान्ड डिभेलोपमेन्ट बोर्डद्वारा सस्तो मूल्यमा उपलब्ध गराइएको सार्वजनिक आवासमा बस्न पाउँछन् र स्थानीय फूड कोर्टमा गएर लगभग ६ सिंगापुरी डलर तिरेर खान पाउँछन् । अर्कातर्फ धनी सिंगापुरवासीहरू निजी विलासी घरमा बस्छन् र महंगा रेस्टुराँमा गएर भोजन गर्छन् ।

तर सरकारले उपलब्ध गराएको आवासमा बस्ने र सस्ता फूड सेन्टरमा खाना खाने मानिसहरूले पनि जीवनयापनको राम्रो मापदण्ड अपनाउन सक्छन् । यसरी सिंगापुरले धनी र कम धनी दुवैका लागि व्यवस्था मिलाएको छ । कम धनी मानिसको जीवनयापन कुनै हालतमा पनि गुणस्तरहीन छैन । 

सम्पत्तिको पुनर्वितरणमा जोड दिनुभन्दा पनि सिंगापुरले असमानता अवश्यम्भावी भएको तथ्यलाई स्वीकार गरेको छ । त्यसको साटो उसले क्षमतामा आधारित प्रणालीलाई प्रोत्साहन गरेको छ र दुवै किसिमका आर्थिक हैसियत भएका मानिसलाई बाँच्नका लागि राम्रो वातावरण उपलब्ध गराएको छ । 

निष्कर्ष

यी सबै कारणहरूले गर्दा बस्नका लागि सिंगापुर विशेष ठाउँ बन्न पुगेको छ । सिंगापुर बस्दाको मेरो अनुभवका आधारमा म यो निष्कर्ष निकाल्न सक्छु: सिंगापुर एसियाको केन्द्रका रूपमा चम्किरहनेछ र भविष्यमा समेत धनी रहिरहनेछ । 

एसिया टाइम्समा प्रकाशित जून योङ क्वोनको आलेखलाई लोकान्तरका लागि विन्देश दहालले अनुवाद गरेका हुन् ।

TATA Below
NLIC
साउन २५, २०७९

युक्रेनी भूमिमा रुसविरुद्ध छद्मयुद्ध चलाइरहेको अमेरिकाले सँगसँगै ताइवानमा चीनविरुद्ध छद्मयुद्ध शुरू गर्न खोजेको छ । विश्लेषकहरू अमेरिका यसरी एकैपटक दुईवटा मोर्चामा लड्न सक्षम छ कि छैन भनी बहस गरिरहेका छन् ।&nbs...

साउन २४, २०७९

मंसिर ४ गते हुने प्रतिनिधि सभा र प्रदेश सभा निर्वाचनमा चुनावी तालमेल गर्ने निर्णय गरेको पाँचदलीय गठबन्धन सोमवारदेखि सीट बाँडफाँडको छलफलमा प्रवेश गरेको छ । सीट बाँडफाँड गर्न गठबन्धनले बनाएको कार्यदल सोमवारबाट...

साउन १८, २०७९

चीनले गरेको कडा विरोधलाई बेवास्ता गर्दै अमेरिकाकी सभामुख न्यान्सी पलोसी मंगलवार (२ जुलाई) राति ताइवान पुगेकी छन् ।  ताइवानमा पलोसीले शीतयुद्धको भाष्यलाई दोहोर्‍याउँदै निरंकुशतन्त्रविरुद्ध सतिसाल झ...

साउन २३, २०७९

चीन र अमेरिकाबीचको सम्बन्ध अहिले निकै चिसिएको छ र त्यसको प्रमुख कारण ताइवान हो ।  अमेरिकी संसद्की सभामुख न्यान्सी पलोसीले चीनलाई रणनीतिक पासोमा पार्ने उद्देश्यले ताइवान भ्रमण गरेपछि चिनियाँ जनमुक्ति से...

साउन २४, २०७९

आगामी मंसिर ४ गते हुने आम चुनावमा तालमेल गर्ने निर्णय गरेको सत्तारूढ ५ दलीय गठबन्धनले सिट बाँडफाँटबारे औपचारिक छलफल थालेको छ । सिट बाँडफाँट गर्न गठबन्धनले कार्यदल बनाएको छ । चुनावी तालमेलको सैद्धान्तिक स...

साउन २४, २०७९

विगत केही समययता युक्रेनका विषयमा पश्चिमा सञ्चारमाध्यमहरूमा आएका सामग्री हेर्दा भोलोदीमीर जेलेन्स्कीलाई पश्चिमले परित्याग गर्न खोजेको संकेत पाइन्छ ।  एम्नेस्टी इन्टरनेसनल नामक मानवअधिकारवादी संस्थाले पाँच ...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

राजनीतिसँगका जनअपेक्षा– अवस्था बदल्ने कि नेता ?

राजनीतिसँगका जनअपेक्षा– अवस्था बदल्ने कि नेता ?

साउन २२, २०७९

राजनीति एउटा त्यस्तो विशेष नीति, दर्शन वा मार्गचित्र हो जसका माध्यमबाट नागरिक जीवनलाई सुखद्, सहज र प्रतिष्ठापूर्ण बनाउन सकिन्छ । यो कठोर साधना पनि हो । राजनीतिले सार्वजनिक जीवनलाई सदैव उच्च महत्त्व दिन्छ र आफ्नो घो...

ad
x