२६ जेठ २०८३, मंगलबार
अमेरिकाको सीएनएन टेलिभिजनका होस्ट एन्डरसन कूपरले आफ्ना सहकर्मीलाई मुख छाड्नबाट रोक्नका लागि संघर्ष गर्नुपरेको भिडियो सार्वजनिक भएको छ ।
एन्डी कोहेनले लाइभमै टकिला पिएर न्युयोर्क शहरका मेयर बिल डी ब्लासियोका विरुद्ध बयान दिएका थिए । उनलाई कूपरले पटकपटक रोक्न खोजेका थिए ।
‘म एउटा कुरा भन्छु । मेयर डी ब्लासियोले न्युयोर्कमा चार वर्ष झूर सरकार चलाएपछि विजयको खुशी मनाउँदै नाचेको हेरें । उनी खत्तम मेयर हुन् भन्ने कुरामा डेमोक्रेट र रिपब्लिकनहरू सहमत छन्,’ कोहेनले रक्सीबाट लर्बरिएको बोलीका साथ भने ।
उनका साथी कूपरले भने, ‘यसरी मुख नछाड । अँह, अँह, अँह । नयाँ वर्षको आरम्भ यसरी गर्न चाहन्छौ ?’
तैपनि कोहेनले कराउन नछोडेपछि कूपरले असहज अनुभव गरेका थिए । अर्को वर्ष डी ब्लासियोले उत्सव मनाएको हेर्नुपर्दैन भनी कोहेनले खुशियाली मनाए ।
न्युयोर्क सिटीमा दुई कार्यकाल मेयर चलाएपछि डी ब्लासियोलाई उनकै दलका एरिक एडम्सले जनवरी १ मा विस्थापित गरेका छन् । माइक ब्लूमबर्गपछि मेयर बनेका डी ब्लासियोको कार्यकालमा न्युयोर्कमा अपराध र अव्यवस्था उल्लेख्य रूपमा बढेकाले उनलाई अहिलेसम्मकै सबभन्दा खराब मेयर मानिएको छ ।
Andy goes off on de Blasio pic.twitter.com/IornnsuG36
— Acyn (@Acyn) January 1, 2022
