नबिल बैंकले एक्वायर गर्ने भएपछि नेपाल बंगलादेश बैंकको सेयर कारोबार आज (पुस ३० गते) बाट रोक्का भएको छ ।

दुई बैंकले एक्विजिसन सम्बन्धी सम्झौतापत्रमा बिहीबार (पुस २९ गते)  हस्ताक्षर गरेका हुन् ।

बंगलादेश बैंकले सेयर कारोबार रोक्न नेप्सेलाई पत्राचार समेत गरिसकेको छ । लामो समयको प्रयास र चर्चापछि दुई बैंक गाभिएर एउटै बन्न लागेका हुन् ।

प्रारम्भिक सहमति अनुसार एनबि बैंकको १०० कित्ता सेयर बराबरको अब नबिलको ४३ कित्ता हुने गरी प्राप्ति प्रक्रिया अघि बढेको हो ।

डीडीए रिपोर्ट अनुसार यस सामान्य तलमाथि हुन सक्नेछ । सम्झौतामा नबिल बैंकका तर्फबाट उदयकृष्ण उपाध्याय र एनबिका तर्फबाट इन्द्रबहादुर थापाले हस्ताक्षर गरेका छन् ।