नेपाली सेनाले मुस्ताङमा स्वास्थ्य शिविर सञ्चालन गरेको छ । 

थासाङ गाउँपालिका-३, लेतेस्थित प्राथमिक स्वास्थ्य केन्द्रमा शिविर सञ्चालन गरिएको हो । 

शिविरमा ३३८ सर्वसाधारणले स्वास्थ्य सेवा लिएको सेनाले जनाएको छ । 

जिल्ला प्रशासन कार्यालय, जिल्ला अस्पताल तथा मुस्ताङ जिल्लामा तैनाथ बज्रदल गणको समन्वय एवं सहकार्यमा स्वास्थ्य शिविर सञ्‍चालन गरिनुको साथै नि:शुल्क औषधिसमेत वितरण गरिएको सेनाको भनाइ छ ।