कोरोनाले हरेक काम गर्ने संस्था र व्यक्तिलाई क्षति पुर्‍याएको छ । अझ विशेष मारमा भने चलचित्र क्षेत्र पर्ने गरेको छ । 

कोरोनाका कारण धेरै चलचित्रको रिलिज मिति सारिएको छ । आउने चलचित्रको छायाँकन पनि रोकिएको छ । 

यसैबीच सलमान खानको चलचित्र ‘टाइगर ३’ र शाहरुख खानको ‘पठान’को छायाँकन फेरि एकपटक स्थगित भएको छ ।

बढ्दो कोरोना संक्रमणका कारण यशराज फिल्म्सले आफ्ना तीन प्रमुख फिल्म पठान, टाइगर ३ र इरफान खानका छोरा बाबिलको वेब सिरिजको निर्माण स्थगित गरेको छ ।

टाइगर ३ र पठानका चालक दलका सदस्यहरू निकै उच्च रहेको र यस्तो अवस्थामा ठूलो संख्यामा मानिसहरूको जमघट जोखिमबाट मुक्त नहुने दाबी गरिएको छ । यही कुरालाई ध्यानमा राखेर फिल्म निर्माता आदित्य चोपडा र निर्देशकले सुटिङ रोक्ने निर्णय गरेका हुन् । साथै, कोरोना संक्रमित घटेपछि छायाँकन सुचारु गरिने छ ।