पुस २८, २०८०
काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...
कोरोना भाइरस संक्रमणको तेस्रो लहर फैलिँदै गइरहेका बेला कोरोना विरुद्धको खोप लगाउन खोज्दा पनि कतिपयले खोप पाइरहेका छैनन् । सबै स्कूले बालबालिकाले खोप नपाएकाले सरकारले विद्यालय बन्द गरेर खोप अभियान सञ्चालन गरिरहेको छ तर १ नम्बर प्रदेशमा पर्याप्त खोप हुँदा पनि लगाउन आनाकानी भइरहेको छ ।
प्रदेशमा ५० लाख ९२ हजार १४६ डोज खोप आइसकेको प्रदेश स्वास्थ्य निर्देशनालयले जनाएको छ । प्रदेशका १४ जिल्लामा ४८ लाख २२ हजार २८६ डोज खोप विरतण भइसकेको छ भने २ लाख ६९ हजार ८६० डोज खोप स्वास्थ्य आपूर्ति केन्द्रमा मौज्दात छ ।
कोभिशिल्डको पहिलो डोज ३९ लाख ५८ हजार ८२ जनाले लगाएका थिए तर दोस्रो डोज खोप लगाउने घटेका छन् । दोस्रो डोज २७ लाख ८० हजार ७८ जनाले मात्रै लगाएका छन् । भेरोसेलको पहिलो डोज १६ लाख ३४ हजार ३७५ जनाले लगाएका छन् भने ८ लाख ७१ हजार ७१७ जनाले मात्रै दोस्रो डोज खोप लगाएको निर्देशनालयले जनाएको छ ।
एस्ट्रोजेनेका खोपको पहिलो मात्रा ३ लाख ७० हजार ४८ जनाले लगाएका छन् भने दोस्रो मात्रा २ लाख ३७ हजार ५४ जनाले मात्रै लगाएका छन् । जोनसन खोप ३ लाख ५१ हजार ४०५ जनाले लगाएका छन् । जोनसन खोप १ डोज मात्रै लगाउने गरिएको स्वास्थ्य मन्त्रालयले जनाएको छ ।
फाइजर ६ हजार ७८ जनाले पहिलो डोज र ५ हजार ३७१ जनाले दोस्रो डोज लगाएका छन् । मोडर्नाको पहिलो डोज मात्रै लगाइएको छ । मोडर्नाको पहिलो डोज २ लाख १२ हजार १०७ जनाले मात्रै लगाएका सामाजिक विकास मन्त्रालयको तथ्यांकमा उल्लेख छ ।
पहिलो डोज खोप लगाउँदा सामान्य बिरामी भएका कारण दोस्रो डोज लगाउन आनाकानी गरिएको हुनसक्ने प्रदेश स्वास्थ्य निर्देशनालयका निर्देशक ज्ञानबहादुर बस्नेतले बताए ।
प्रदेशमा खोप पर्याप्त भए पनि लगाउने व्यक्तिको संख्या कम देखिएपछि स्वास्थ्य तथा जनसंख्या मन्त्री विरोध खतिवडाले खोप क्याम्प सञ्चालन गर्न प्रदेश सरकारलाई सुझाव दिएका छन् । मन्त्री खतिवडाले नियमित खोप लगाउने खोप केन्द्रबाहेक सार्वजनिक स्थलमा खोप डेस्क स्थापना गरेर नागरिकलाई पहिलो र दोस्रो मात्रा खोप लगाउने तयारी गर्न समेत प्रदेश तथा स्थानीय सरकारसँग आग्रह गरेका छन् ।
‘सरकारसँग पर्याप्त खोप छ तर खोप लगाउनेहरू खोप केन्द्रसम्म आइरहेका छैनन्,’ मन्त्री खतिवडाले भने, ‘पहिलो र दोस्रो मात्रा खोप नलगाएसम्म बुस्टर डोज दिन नमिल्ने भएकाले सबैलाई खोप लगाउन गाउँटोलमै पुग्ने गरी कार्ययोजना बनाएर कार्यान्वयन गर्न तीनै तहका सरकार र निकायलाई निर्देशन गरिसकेको छौं ।’
१ नम्बर प्रदेशमा कूल जनसंख्या ४९ लाख ९५ हजार १६१ छ । जसमध्ये १८ वर्षमाथिको जनसंख्या ३२ लाख ७५ हजार ८६८ छ ।
तराईका जिल्लाभन्दा पहाडी र हिमाली जिल्लामा खोप लगाउनेहरू कम आउने गरेका बस्नेतले बताए । पुस मसान्तसम्ममा ६६ प्रतिशतलाई खोप लगाइसक्ने लक्ष्य रहे पनि ५३ प्रतिशतलाई मात्रै खोप लगाइएको छ ।
खोप लगाउनेको संख्या कम भएपछि खोप अभियानमा नागरिकलाई सरिक गराउन स्वास्थ्य संस्थामा नियमित खोप कार्यक्रम अगाडि बढाउने योजना बनाइएको मुख्यमन्त्री राजेन्द्र राईले बताए । प्रदेश सरकारले खोप कार्यक्रमलाई प्रभावकारी बनाउन राजनीतिक दलको पनि सहयोग खोजेको छ ।
खोपको सचेतनाका लागि विभिन्न राजनीतिक दलका भातृ संघसंगठनलाई परिचालन गर्नका लागि दलहरूसँग छलफल गरिएको मुख्यमन्त्री राईले बताए ।
काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...
धेरै मानिसको मुटुरोगका कारण मृत्यु हुन्छ । आजकल त युवा अवस्थामै मुटुरोग वा हृदयघात भएर मर्ने व्यक्तिको संख्या बढ्दो छ । तर हृदयघात हुँदैछ भनी सचेत गराउने संकेतहरू शरीरले पहिल्यै दिन्छ । हुन त सबैलाई यस्त...
स्वस्थ फ्याट, भिटामिन र मिनरलले भरिएको ओखर खाँदा मस्तिष्कको स्वास्थ्य राम्रो हुन्छ र स्मरणशक्ति पनि बढ्छ । त्यसबाहेक शरीरको समग्र स्वास्थ्यका लागि पनि यो लाभदायक छ । ओखरमा प्रोटीन, क्याल्सियम, म्याग्नेसियम, आइरन, फस्फो...
काठमाडौं— भुइँमा बस्न छोडेको कति वर्ष भयो ? बस्न र खाना खान पनि तपाईं कुर्सीकै प्रयोग गर्नुहुन्छ, हैन त ? अब भुइँमा सुत्नुभएको छ भनी प्रश्न सोध्दा तपाईं हाँस्नुहुन्छ होला । पहिला हाम्रा पूर्खाहरू भुइँमा ...
काठमाडौं –छिट्टै उर्जा प्रदान गर्ने फलको रुपमा चिनिने केराले तपाईलाई स्वस्थ्य मात्रै राख्दैन, केही जटिल प्रकारका रोगबाट पनि बचाउँछ । पूर्ण रुपमा पाकेको केराले तपाईको शरीरलाई धेरै प्रकारका र...
काठमाडौं- आलु भान्सामा अनिवार्य रुपमा पाइने परिकार हो । आलु, अन्य सागसव्जी, तरकारीमा मिसाएर मात्र नभइ तरकारी बनाएर उसीनेर तारेर आदी विभिन्न तरिकारले पकाउन सकिन्छ । विश्वभर नै आलुको बढी प्रयोग हुने ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...