इरानबाट क्षेप्यास्त्र जोखिम बढेपछि इजरायलले एरो–३ एन्टी ब्यालिस्टिक क्षेप्यास्त्रको सफल परीक्षण गरेको छ । 

यस हतियारले वायुमण्डलबाहिरै शत्रुको क्षेप्यास्त्रलाई ध्वस्त पारेको छ । 

त्यसक्रममा इजरायलले अन्य महत्त्वपूर्ण परीक्षण पनि गरेको छ र त्यसलाई इजरायलको वायुसेनाले तत्कालै उपयोग गर्न सक्छ । 

गत डिसेम्बर महिनामा इरानले एकैपटक १६ वटा क्षेप्यास्त्र प्रहार गरेर इजरायललाई ठूलै चुनौती दिएको थियो । 

इरान, हिजबुल्लाह र प्यालेस्टाइनी समूह हमासको आक्रमण रोक्न इजरायलले एरो वेपन सिस्टम नामक क्षेप्यास्त्र प्रतिरक्षा शृंखला बनाएको हो । इजरायलको रक्षा मन्त्रालयले मिसनलाई सफल भन्दै एयर डिफेन्स सिस्टमले लक्ष्यलाई पत्ता लगाएको र त्यसमाथि दुईवटा एरो–३ इन्टरसेप्टर क्षेप्यास्त्र प्रहार गरेको जानकारी दियो । 

सन् २०२१ मा ११ दिनसम्म चलेको गाजा युद्धमा इजरायलको कम दूरीको क्षेप्यास्त्र प्रतिरक्षा स्पष्ट रूपमा देखिएको थियो । त्यतिखेर हमासले इजरायलमाथि ४ हजार भन्दा बढी रकेट प्रहार गरेको थियो । ती रकेटमध्ये लगभग ९० प्रतिशतलाई रोकेको इजरायली सेनाले बताएको थियो । 

त्यसअघि इरानले १६ क्षेप्यास्त्र प्रहार गरेर इजरायललाई चेतावनी दिएको थियो ।