कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
माघ ६, २०७८
यतिखेर सामाजिक सञ्जालमा दुई गम्भीर सवाल जबरजस्त रुपमा उठाइएको छ । एउटा कोरोनाविरुद्ध लड्नका लागि सर्वसाधारणलाई लगाउन विदेशबाट ल्याइएको २४ लाख खोपको दुरुपयोग र अर्को कोरोनाको महामारीका बीच जारी विश्वविद्यालयस्तरको परीक्षा । यी दुबै सवालले सामाजिक सञ्जाल तातेको छ । सामाजिक सञ्जाल प्रयोगकर्ताले खोपमा अनियमितता गर्नेमाथि कडा कारबाही हुनुपर्ने माग गरेका छन् । साथै बढ्दो संक्रमणका बीच जारी परीक्षा तत्काल रोकिनुपर्ने पनि उनीहरुको माग छ ।
माघ ४ गते स्वास्थ्य तथा जनसंख्या मन्त्रालयका सचिव रोशन पोखरेलले २० देखि २४ लाख खोपको तथ्यांकै नभेटिएको बताएका थिए । संसद्को शिक्षा तथा स्वास्थ्य समितिलाई कोरोना संक्रमणको अवस्था र मन्त्रालयको तयारीका बारेमा जानकारी दिँदै सचिव पोखरेलले यस्तो बताएका हुन् । हालसम्म नेपालले प्राप्त गरेर लगाएको कुल खोपमध्ये २० देखि २४ लाख खोप तथ्यांकबाट हराइरहेको उनको भनाइ थियो ।
व्यक्तिहरुले खोप कार्डबिना नै पहिलो र दोस्रो मात्राको खोप लगाएको, सहरी क्षेत्रमा केहीले पहिलो डोज भन्दै तेस्रो डोज पनि लगाएको कारणले गर्दा पनि केही लाख खोपको लेखाजोखा भने नमिलेको देखिएको उनको भनाइ थियो । यही प्रसंगमा कतिपयले खरिद गरिएका खोप मात्रै कसरी हरायो ? बिल बन्ने, भुक्तानी पनि हुने तर खोप नआउने भएको त होइन ? भन्दै प्रश्न पनि उठाएका छन् । यस विषयमा गम्भीर छानबिन हुनुपर्ने र दोषी उपर कडा कारबाही हुनुपर्ने माग जबरजस्त रुपमा उठेको छ ।
यसैगरी राजधानीको बानेश्वरस्थित कान्तिपुर इन्टरनेशनल कलेज, बुद्धनगरमा बुधबार विद्यार्थी र प्रहरीबीच घम्साघम्सी भयो । कोरोना संक्रमित विद्यार्थी र संक्रमण नभएका विद्यार्थीलाई एकैठाउँमा राखेर परीक्षा दिन लगाएको भन्दै आन्दोलित विद्यार्थी र प्रहरीबीच तनाव भएको हो । पूर्वाञ्चल विश्वविद्यालयसँगै त्रिभुवन विश्वविद्यालयसमेतले परीक्षा सञ्चालन हुने बताइरहेका छन् । सरकारले नै भौतिक दूरी र स्वास्थ्य मापदण्ड अपनाएर परीक्षा सञ्चालन गर्न छुट दिएकाले विश्वविद्यालयहरुले परीक्षा सञ्चालन हुने बताएका हुन् । तर अहिले संक्रमण बढिरहेको बेला विश्वविद्यालयले परीक्षा रोक्नुपर्ने धेरैको माग छ । त्यही आवाज सामाजिक सञ्जालमार्फत चर्को रुपमा प्रकट भइरहेको हो । सरकारले तत्काल निर्णय गरेर परीक्षा स्थगित गराउनुपर्ने सरोकारवालाको माग छ ।
यसैबीच राष्ट्रिय मानव अधिकार आयोगले कोरोना भाइरसको महामारीका समयमा स्वास्थ्यसम्बन्धी मापदण्डको पूर्ण पालना गरेर परीक्षा सञ्चालनमा गर्न आग्रह गरेको छ ।
आयोगका प्रवक्ता डा टीकाराम पोखरेलले बुधवार जारी गरेको प्रेस विज्ञप्तिमा नागरिकको स्वास्थ्यमा पर्नसक्ने जोखिमलाई मध्यनजर गर्दै स्वास्थ्यसम्बन्धी मापदण्डको पूर्ण पालना गराउन र परीक्षा सञ्चालनमा वैकल्पिक उपाय अपनाइ नागरिकको स्वास्थ्यसम्बन्धी अधिकारमा संवेदनशील हुन सरकार, विश्वविद्यालय तथा सम्बद्ध सबै निकायलाई आग्रह गरेका छन् । यही प्रसंगसहित लोकान्तर राउण्ड अपमा स्वागत छ ।
लोकान्तर राउण्ड अपमा अब बितेका २४ घण्टाका मुख्यमुख्य समाचारः
पछिल्लो २४ घण्टामा ११ हजार ३५२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २३ हजार ४०९ नमूना परीक्षणमध्ये ९५०२ पीसीआर र १८५० जनामा एन्टिजेन पोजिटिभ देखिएको हो । यो संख्या अहिलेसम्मकै धेरै हो । यस्तै पछिल्लो २४ घण्टामा संक्रमणबाट चार जनाको मृत्यु भएको छ ।
००००
सरकारले कोरोना भाइरस संक्रमणको पीसीआर परीक्षण शुल्क घटाएको छ । स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा मन्त्रालयका सहप्रवक्ता डा समीरकुमार अधिकारीले कोभिड–१९ को पीसीआर परीक्षणको शुल्कमा समायोजन गरिएको बताए ।
उनका अनुसार सरकारी अस्पताल तथा प्रयोगशालामा ८०० रुपैयाँ र निजी अस्पताल तथा प्रयोगशालामा १ हजार ५०० भन्दा बढी लिने नपाउने गरी नयाँ शुल्क तोकिएको बताए ।
००००
प्रधानमन्त्री शेरबहादुर देउवाले बजारमा सिटामोल लगायतका औषधीको अभाव भएको जानकारी आएको भन्दै त्यस्तो अभाव तत्काल अन्त्य गर्ने गृह मन्त्री र मुख्यसचिवलाई निर्देशन दिएका छन् । बुधबार विहान प्रधानमन्त्री निवास बालुवाटारमा गृह मन्त्री बालकृष्ण खाँड र मुख्यसचिव शंकरदास बैरागीलाई बोलाएर औषधी अभावका विषयमा के भएको अध्ययन गरेर तत्काल औषधी उपलव्ध गराउने प्रवन्ध गर्न निर्देशन दिएको प्रधानमन्त्रीको सचिवालयले जनाएको छ ।
००००
नेपाल बार एशोसिएशनले न्यायालयको विकृति, विसंगति र प्रधानन्यायाधीश चोलेन्द्र शमशेर जबराविरुद्ध गर्दै आएको आन्दोलन कोरोना भाइरस संक्रमणको जोखिमका कारण भर्चुअलरूपमा गर्ने भएको छ ।
बारका महासचिव लीलामणि पौडेलले बुधवार जारी गरेको प्रेस विज्ञप्तिमा कोरोना भाइरसको बढ्दो संक्रमणका कारण आन्दोलनको स्वरूप परिवर्तन गरिएको जनाइएको छ ।
००००
कर्मचारीमा कोरोना संक्रमण बढेसँगै उपत्यकामा जिल्ला प्रशासन कार्यालयहरुका साथै विभिन्न सरकारी कार्यालयको सेवा प्रभावित बनेको छ । देशभर पछिल्लो समय कोरोना संक्रमण बढेसँगै कर्मचारी पनि सरकारी कार्यालय पनि प्रभावित बनेका हुन् ।
००००
सर्वोच्च अदालतका पूर्व प्रधानन्यायाधीश मोहनप्रसाद शर्माको निधन भएको छ ।सर्वोच्चका प्रवक्ता बाबुराम दाहालले शर्माको निधन भएको पुष्टि गरेका छन् ।
००००
नेपाल आयल निगमले फेरि पेट्रोलियम पदार्थको मूल्यवृद्धि गरेको छ । निगम सञ्चालक समितिको बैठकले बुधबार मध्यरातदेखि लागू हुने गरी पेट्रोल, डिजेल र मट्टितेलको मूल्य प्रतिलिटर ३–३ रुपैयाँ बढाउने निर्णय गरेको हो ।
यससँगै काठमाडौं उपत्यकामा पेट्रोलको मूल्य प्रतिलिटर १३९ रुपैयाँ पुगेको छ भने डिजेल र मट्टितेलको मूल्य प्रतिलिटर १२२ रुपैयाँ पुगेको छ । यस्तै हवाइ इन्धनको मूल्य प्रतिलिटर ५ रुपैयाँ बढाएर १०६ रुपैयाँ तथा अन्तर्राष्ट्रिय हवाइ इन्धनका मूल्य प्रति किलोलिटर १०० रुपैयाँ वृद्धि गरेर ९९५ रुपैयाँ अमेरिकी डलर कायम गर्ने निर्णय भएको निगमले जारी गरेको विज्ञप्तिमा उल्लेख छ ।
००००
रोजगारीको आकर्षक गन्तब्य मानिने इजरायलमा सरकारले श्रमिक पठाउन सुरु गरेको छ । जसअनुसार दीर्घकालीन सहायक श्रमिकका लागि छनोट भएकाहरुमध्ये पहिलो चरणमा बुधबार ९९ जना त्यसतर्फ प्रस्थान गरेका छन् ।
००००
विद्युतीय गाडी प्रयोग गर्ने व्यक्तिहरूले आफ्नो घरमा छुट्टै मिटर राख्न पाउने भएका छन् । घरायसी प्रयोजनका लागि स्वीकृत लोडले नधानेर गाडी चार्ज गर्न नसकिएमा ग्राहकहरूले आफ्नो घरको कम्पाण्डमा ठूलो क्षमताको छुट्टै मिटर राखी गाडी चार्ज गर्न पाउने भएका हुन् ।
००००
अष्ट्रेलियामा रहेका नेपालसहित विभिन्न देशका विद्यार्थीले हप्तामा २० घण्टाभन्दा बढी काम गर्न पाउने भएका छन् । विद्यार्थीहरूले ‘पार्टटाइम जब’का रुपमा गर्ने काम हप्तामा २० घण्टा मात्रै गर्न पाउँथे । अष्ट्रेलियाका प्रधानमन्त्रीले त्यसको अवधि बढाउने घोषणा गरेको नेपालस्थित अष्ट्रेलियन दूतावासले जानकारी दिएको छ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...