आईसीसी टी-ट्वान्टी विश्वकपको ग्लोबल छनोटका लागि १६ सदस्यीय टीम घोषणा भएको छ ।

नेपाल क्रिकेट संघ क्यानले सन्दीप लामिछाने, ज्ञानेन्द्र मल्ल, दीपेन्द्र ऐरी लगायत खेलाडीलाई समेटेर टीम घोषणा गरेको हो ।

घोषित टीममा लामिछाने, मल्ल र ऐरीका अलावा कुशल भुर्तेल, आसिफ शेख, शरद भेसवाकर, आरिफ शेख, करण केसी, जितेन्द्र मुखिया, अविनाश बोहोरा, शहाब आलम, कुशल मल्ल, कमलसिंह ऐरी, विवेक यादव, प्रदीप ऐरी र लोकेश बम छन् ।

यसअघि कारवाहीमा परेका ४ खेलाडीलाई पनि समेटेर टीम घोषणा गरिएको हो ।

एक महिनापछि हुने प्रतियोगितामा नेपाल समूह एमा छ । समूह एलाई पनि ग्रुप १ र ग्रुप २ गरी दुई समूहमा बाँडिएको छ ।

नेपाल रहेको ग्रुप २ मा बहराइन, क्यानडा र ओमानसहित ४ राष्ट्र छन् ।

अर्को ग्रुप १ मा भने जर्मनी, आयरल्यान्ड, फिलिपिन्स र यूएई छन् ।