जनता समाजवादी पार्टी (जसपा)का संघीय परिषद् अध्यक्ष बाबुराम भट्टराईले संविधानसँग बाझिएका कानूनमा सुधार गरेर निर्वाचन गर्ने गठबन्धनमा सहमति भएको बताएका छन् । 

उनले स्थानीय तहका तीन चरणको चुनावबाट गठित पालिकाहरूको कार्यकाल पूरा हुनासाथ संविधानबमोजिम नयाँ चुनाव गराउने गठबन्धनमा सहमति भएको बताएका हुन् । 

उनले आफ्नो शरीरमा भैँसी नदेख्नेले अरूको शरीरमा जुम्रा देखाएर जनतामा भ्रम नछर्न पनि चेतावनी दिएका छन् । 

‘संविधानसँग बाझिएका कानूनमा सुधार गरेर  स्थानीय तहका तीन चरणको चुनावबाट गठित पालिकाहरूको कार्यकाल पूरा हुनासाथ संविधान बमोजिम नयाँ चुनाव गराउने गठबन्धनमा सर्वसम्मत सहमति भएको छ,’ उनले ट्वीटरमा लेखेका छन् ‘आफ्नो आङको भैँसी नदेख्नेहरूले अरूको आङको जुम्रा देखाएर जनतामा भ्रम नछरून् ।’