पैसाका लागि मानिस के के गर्न पछि पर्दैन ? 

आयरल्याण्डमा एक मानिसले आफ्नो काका (अंकल)को पेन्सन लिनका लागि मृत शरीर नै लिएर पोस्ट अफिस पुगेका छन् । 

उनले अंकलको स्वास्थ्य खराब रहेको र छिटो पैसा चाहिएको देखाउने प्रयास गरेका थिए । 

तर त्यहाँका कर्मचारी ती व्यक्तिको कुराकानीले शसंकित भए । 

आरोपीले आफ्नो एकजना साथी समेत सँगै लिएर गएका थिए । अहिले प्रहरीले उनीहरूलाई नियन्त्रणमा लिएर अनुसन्धान गरिरहेको सञ्चार एजेन्सीहरूले बताएका छन् ।

‘डेली मेल’मा प्रकाशित खबर अनुसार आरोपी ४० वर्षीय डेक्लन हौनीले बताएका छन् की आफूले ६६ वर्षीय अंकल पेडर डोयलको पैसा लुट्न लागेको होइन । 

उनले आफूलाई पोस्ट अफिस आउँदासम्म पनि अंकलको मृत्यु भएकोबारे थाहा नभएको सुनाएको बताइएको छ ।

अहिले ती युवकमाथि अनुसन्धान भइरहेको बताइएको छ ।