इन्डोनेसियाको पश्चिमी पापुआ प्रान्तमा रहेको सोरोङस्थित एक क्लबमा भएको झडपमा कम्तीमा १८ जनाको मृत्यु भएको छ । 

‘सोमवार राति ११ बजे भिडन्त भएको हो । शनिवारदेखि चलिरहेको द्वन्द्वकै परिणाम हो यो,’ सोरोङका प्रहरी प्रमुख आरी न्योतो सेतियावानले बताए । 

एकजनालाई चक्कु प्रहार गरेर मारिएको थियो भने १७ जना आगलागीमा मरेका थिए । डबल ओ नामक नाइटक्लबमा घटना भएको हो ।

प्रहरीले क्लबमा आगलागीको कारण खोजिरहेको छ । 

स्थानीय सञ्चारमाध्यममा क्लबको भवन डढेर कालो भएको र कारहरू पनि जलेको देखिन्छ ।