प्रदेश–१ मा राष्ट्रिय सभा सदस्य निर्वाचनको मतदान सम्पन्न भएको छ । 

राष्ट्रिय सभाको निर्वाचनमा एक जना सांसद र दुई स्थानीय तहका जनप्रतिनिधि मतदानमा अनुपस्थित भएका छन् ।

उक्त प्रदेश सभामा भएका ९२ सांसदमध्ये ९१ जनाले मतदान गरेको निर्वाचन अधिकृत भरत लम्सालले बताए । 

प्रदेश सभा सदस्य गुलेफुन खातुन निर्वाचनमा सहभागी भइनन् । उनी अदालतबाट दोषी ठहर भएपछि फरार छिन् । उनी एमालेबाट निर्वाचित भएकी प्रदेश सांसद हुन् । 

त्यसबाहेक, गौरीगञ्ज गाउँपालिकाका अध्यक्ष बाबुराजा श्रेष्ठ पनि राष्ट्रिय सभा सदस्यको मतदानमा सहभागी भएनन् । उनी राष्ट्रिय प्रजातन्त्र पार्टीबाट निर्वाचित भएका हुन् ।  

विराटनगर महानगरपालिकाकी उपमेयर इन्दिरा कार्की पनि मतदानमा सहभागी भइनन । उनी विरामी भएका कारण काठमाडौंमा उपचाररत छिन् । उनी कांग्रेसबाट निर्वाचित जनप्रतिनिधि हुन् ।