पछिल्लो २४ घण्टामा ८ हजार ४५४ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार २० हजार ३५९ नमूना परीक्षणमध्ये ५५७१ पीसीआर र २८८३ जनामा एन्टिजेन पोजिटिभ देखिएको हो । 

यस्तै पछिल्लो २४ घण्टामा संक्रमणबाट ५ जनाको मृत्यु भएको छ । हालसम्मको मृत्यु संख्या ११ हजार ६७२ छ । 

मन्त्रालयका अनुसार थप ४४३३ जना संक्रमणमुक्त भएका छन् ।

यससँगै हालसम्म कोरोना संक्रमणमुक्त हुनेहरूको संख्या ८ लाख ३१ हजार ७१२ पुगेको छ । 

हाल मुलुकभर ९० हजार ६७ सक्रिय संक्रमित छन् ।