प्रतिनिधि सभामा स्वतन्त्र हैसियतमा १ सीट रहेको राष्ट्रिय जनमोर्चाले माथिल्लो सदन भनिने राष्ट्रिय सभामा १ सीट सुरक्षित गरेको छ ।

बुधवार सम्पन्न राष्ट्रियसभा सदस्य निर्वाचनमा लुम्बिनी प्रदेशबाट तुलबहादुर विक विजयी भएर जनमोर्चाको सीट सुरक्षित गरेका हुन् । 

सत्तारुढ गठबन्धनको साझा उम्मेदवारका रूपमा विकले एमालेका कृष्ण सुनारलाई हराउँदै राष्ट्रियसभा चुनाव जितेका हुन् । विकको वियजसँगै राष्ट्रिय सभामा जनमोर्चाले ६ वर्षका लागि आफ्नो उपस्थिति सुनिश्चित गरेको छ । 

जनमोर्चा निकट रक्तिम सांस्कृतिक अभियानमा लागेका विकले जनमोर्चाको मुखपत्र हाँक पत्रिकामा पनि काम गरेका थिए । बागलुङमा २०१५ सालमा जन्मेका विक केही वर्ष शिक्षण पेशामा लागेका थिए । 

प्रतिबन्धित अवस्थामै सांस्कृतिक मोर्चाको संयोजक बनेका विकको सदस्यमा जीवन शर्मा र मणि थापा थिए । उनी कलाकार पनि हुन् ।

जनमोर्चामा उनी राजेश विकको नामले चिनिन्छन् ।