अमेरिकाको न्युयोर्कस्थित ब्रोंक्समा रहेको जेकोबी अस्पतालमा मंगलवार अपराह्न एक बन्दूकधारीले गोलीकाण्ड मच्चाएका छन् । 

उनले एक व्यक्तिलाई चारपटक गोली हानेर भागेका थिए । 

पहिचान नखुलेका आरोपित नर्सको प्रतीक्षा गरिरहेका थिए । त्यही बेलामा उनले वेटिङ रूममा अर्को पुरुषसँग दृष्टि साटासाट गरेका थिए । 

अचानक बन्दूकधारीले पीडिततर्फ गोली प्रहार गरेका थिए । रिसेप्सन डेस्कको ठीक अगाडि घटना भएको थियो । 

यो अनायास भएको घटना थियो कि ती दुईजनाले एकअर्कालाई चिन्थे भन्ने कुरा खुलेको छैन । 

गोली लागेका मानिस नजिक एक बालिका पनि थिइन् । उनकी आमाले बालिकालाई घटना हुन्जेल अँगालोमा बेरिन् । 

बन्दूक चलाउने व्यक्ति सशस्त्र छन् र अझै फरार छन् । न्युयोर्क प्रहरीले उनको हुलिया खुलाएको छैन । 

गोली लागेका व्यक्तिलाई सामान्य चोटपटक लागेको छ र त्यही अस्पतालमा उपचार गरिएको छ ।