चीनले पृथ्वीको तल्लको कक्षमा १३ हजारवटा भूउपग्रह पठाउन लागेपछि पश्चिमी मुलुकहरूले जासूसी गरिन लागेको भन्दै डर देखाएका छन् । 

५जी मोबाइल इन्टरनेट विस्तारको एक हिस्साका रूपमा चीनले अन्तरिक्षमा व्यापक संख्यामा भूउपग्रह राख्न खोजेको हो । 

उक्त नेटवर्कले के समेट्छ भन्ने विषयमा विस्तृत विवरण आएको छैन । अन्तरिक्ष सञ्चारका कमीहरू पूरा गर्न तथा ग्रामीण क्षेत्रहरूमा सेवा पुर्‍याउन भूउपग्रह राखिएको बताइन्छ । 

पृथ्वीबाट अन्तरिक्षमा पुग्ने डेटाको प्रवाहलाई चीनले नियन्त्रण गर्न खोजेको भन्दै चिन्ता व्यक्त गरिएको छ । 

चीनले अन्तरिक्षमा चाल्ने जुनसुकै कदमले पनि पश्चिमका सुरक्षाविद्हरूलाई चिन्तित तुल्याउँछ । 

अन्तरिक्षमा भूउपग्रहीय इन्टरनेटको तारामण्डल चीनको सरकारको शीर्ष परियोजना हो । यसले चीन मात्र नभई संसारभरि नै सञ्चार सेवा उपलब्ध गराउनेछ । 

बृहत् तारामण्डलमा सयौं हजारौं भूउपग्रहहरू हुन्छन् र तिनले पृथ्वीका सबै क्षेत्रलाई समेट्छन् । तीमध्ये अधिकांश पृथ्वीको केही सय माइल मात्र माथि छन् । तिनले इन्टरनेट सेवा उपलब्ध गराउनेछन् ।