युक्रेनमा नेसनल गार्डका एक सदस्यले देशको पूर्वी भागमा रहेको एयरोस्पेस कारखानामा गोली चलाउँदा कम्तीमा पाँचजनाको मृत्यु भएको त्यहाँको गृह मन्त्रालयले जानकारी दिएको छ । 

एएफपी समाचार संस्थाले यो खबर दिएको हो । 

घटना बिहीवार सबेरै दिनिप्रो नामक स्थानमा रहेको पिभडेनमाश मिसाइल कारखानामा भएको हो । गार्डहरूलाई हतियार दिने क्रममा गोली चलेको हो । 

आक्रमणकारी सैनिकले कालाश्निकोभ असल्ट राइफलले गोली हानेका थिए र पछि घटनास्थलबाट भागेका थिए । 

भागेका सैनिकलाई प्रहरीले खोजी गरिरहेको छ ।

अपराधको उद्देश्यका बारेमा थाहा नभएको गृह मन्त्रालयले जनायो । 

नेसनल गार्डका कमान्डर निकोलाई बालानलाई घटनास्थलमा पठाइएको छ । 

युझमाश एयरोस्पेस कारखाना हो । त्यहाँ रक्षा, एयरोनटिक्स र कृषिसम्बन्धी सामग्रीको उत्पादन तथा परीक्षण गरिन्छ । 

युक्रेनको सेनाले संवेदनशील समयको सामना गरिरहेको बेलामा घटना भएको हो । रुसी सेना युक्रेनको सीमा नजिक तैनाथ भएको छ । नेटो सदस्यहरू रुसले युक्रेनमाथि आक्रमण गर्न लागेको आरोप लगाइरहेका छन् ।