कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
लुम्बिनी प्रादेशिक अस्पताल, बुटवलमा मर्चरी (शव राख्ने ठाउँ) मा महिला र बालिकाको शव छ । अधवैंशे महिला र बालिकाको शवले तीन दिनदेखि आफ्नाको पहिचान खोजिरहेको छ । तर, अहिलेसम्म पत्ता लाग्न सकेको छैन । उनीहरूको दुवैको शव पोष्टमार्टम गरी प्रादेशिक अस्पतालको शव गृहमा छन् । प्रहरीले उनीहरूका आफन्तको खोजीका लागि हुलिया सातै प्रदेशदेखि भारतसम्म पठाइसकेको छ ।
रूपन्देहीकोे देवदह नगरपालिका वडा नम्बर– ९ घोडाहा जंगलमा मंगलवार हत्या गरेर फालिएको अवस्था फेला परेका महिला र बालिकाको अझै पहिचान हुन नसकेको हो । रूपन्देही प्रहरीले उनीहरूको सनाखतका लागि पत्राचार र सूचना जारी गरे पनि अहिलेसम्म पत्ता लाग्न सकेको छैन ।
जिल्ला प्रहरी कार्यालय, रूपन्देहीका प्रहरी प्रमुख प्रहरी उपरीक्षक मनोज कुमार केसीले उनीहरूका आफन्तको खोजीका लागि सबै क्षेत्रमा सूचना र पत्राचार गरिए पनि अझै पत्ता लाग्न नसकेको बताए ।
‘नेपाल–भारत सबै ठाउँमा उनीहरूका तस्वीरसहित सूचना जारी गरिएको छ,’ एसपी केसीले लोकान्तरसँग भने, ‘शनाखत नहुँदा अनुसन्धानको काम पनि अगाडि बढ्न सकेको छैन । अहिले उनीहरूको हुलियासहित आफन्त र चिन्ने व्यक्तिको खोजीमा छौं ।’
घोडाहा जंगलमा मंगलबार दिउँसो अन्दाजी ३५ वर्षकी महिला र ७ वर्षकी बालिकाको धारिलो हतियारले घाँटी रेटेर हत्या गरिएको अवस्था शव फेला परेको थियो । पूर्वपश्चिम महेन्द्र राजमार्ग सडकबाट २५ मिटर दक्षिणतर्फ सडक छेउको खाल्डोमा फालिएको अवस्थामा शव फेला परेको थियो । मंगलवार १२ बजेतिर स्थानीयले शव देखेपछि प्रहरीलाई खबर गरेका थिए ।
घटनाको वस्तुस्थिति हेर्दा अन्यत्र कतै हत्या गरी त्यहाँ ल्याएर फालेको जस्तो देखिन्छ । इलाका प्रहरी कार्यालय, बुटवलमा डिएसपी ठगबहादुर केसीले सबैतर्फ खोजतलास गरिए पनि आफन्त पत्ता लाग्न नसकेको बताए ।
महिलाले रातो ब्लाउज, रातो ज्याकेट लगाएकी छन् । पातलो शरीर भएकी उनको शव हेर्दा तराई मूलको जस्तो देखिन्छ । त्यस्तै बालिकाको शरीरमा निलो पाइन्ट, गुलाबी रंगको लेडिज सेन्डल र पहेलो छिर्केमिर्के शर्ट लगाएको देखिन्छ । उनले रातो टोपी पनि लगाएकी छन् । बालिका पनि तराई मूलको जस्तै देखिन्छन् ।
उनीहरू आमाछोरी हुनसक्ने इप्रका बुटवलका डीएसपी केसीले लोकान्तरलाई बताए । शव भेटिएको स्थानमा अन्य कुनै सामान थिएन ।
झोला वा अन्य कागजपत्र नहुँदा शवको पहिचान गर्न प्रहरीलाई गाह्रो भएको केसीले बताए । हत्या गरेर जंगलमा शव फालिएकाले हुनसक्ने प्रहरीले जनाएको छ ।
शव फालिएको आठ/दश घण्टापछि भेटिएको हुनसक्ने अनुमान छ । जाडो मौसमका कारण शव सडेको थिएन ।
मंगलवार बिहान ११ बजेतिर स्थानीयले झाडीमा महिला र बच्चा मृत देखेपछि प्रहरीलाई खबर गरेका थिए । पछिल्लो समय रुपन्देहीको देवदहमा आपराधिक घटना धेरै हुन थालेको छन् ।
तिनाउमा नदीमा महिलाको शव फेला
यसैबीच पाल्पाको तिनाउ गाउँपालिका– ३ स्थित विद्युत गृहको ड्याम नजिक तिनाउ नदीमा एक महिलाको शव फेला परेको छ ।
जिल्ला प्रहरी कार्यालय, पाल्पाका प्रहरी नायब उपरीक्षक रामेश्वर त्वाँतीले बुधबार साँझ ड्यामनजिकै अन्दाजी ६०–६५ वर्षीया महिला मृत अवस्थामा फेला परेको जानकारी दिए । शवको पहिचान खुलेको छैन ।
स्थानीयले नदीमा महिलाको शव देखेपछि प्रहरीलाई खबर गरेका थिए । शवलाई जिल्ला अस्पताल, पाल्पामा राखिएको छ ।
प्रहरीले घटनाका विषयमा थप अनुसन्धान गरिरहेको जनाएको छ ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...