केन्द्रीय तथ्यांक विभागले सार्वजनिक गरेको प्रारम्भिक विवरणअनुसार हिमाली जिल्ला मनाङको जनसंख्या सबैभन्दा कम छ ।

विभागको प्रारम्भिक विवरणअनुसार मनाङको जनसंख्या ५ हजार ६४५ छ । अहिले सार्वजनिक भएको तथ्यांक विक्रम संवत् २०७४ सालको मतदाताको संख्याभन्दा कम देखिएको हो । 

विक्रम संवत् २०६८ सालको जनगणनामा मनाङमा ५ हजार ९०० जनसंख्या थियो भने विक्रम संवत् २०७४ सालको जनसंख्याभन्दा अहिलेको संख्या २५५ जनाले घटेको देखिएको छ । 

तथ्यांकअनुसार जिल्लाको जनसंख्याभन्दा मतदाता संख्या भने बढी देखिएको छ । विक्रम संवत् २०७७ चैतसम्म १८ वर्ष पूरा भएका मतदाता संख्या ६ हजार ३०९ रहेको थियो भने चालू आर्थिक वर्षको साउनदेखि कात्तिकसम्म थपिएर ६ हजार ६१२ मतदाता पुगेका छन् ।

अहिले सार्वजनिक भएको जनसंख्या भन्दा ९६७ संख्याले मतदाता बढी रहेका देखिएको छ । मतदाता संख्याभन्दा जनसंख्या कम भएपछि गणक, पर्यवेक्षक तथा निर्वाचन आयोगले संकलन गरेकामध्ये कुन चाहिँ तथ्यांक सही भनेर पहिचान गर्न मुस्किल भएको छ ।

जनगणना अनुसार नार्पाभूिम गाउँपालिकामा ४४२ अर्थात सबैभन्दा कम जनसंख्या रहेको छ । 

प्रारम्भिक जनगणना पहिलो चरणमा गत भदौ ३० देखि असोज १८ गतेसम्म र दोस्रो चरणमा गत कात्तिक २५ देखि मंसिर ९ गतेसम्म भएको थियो ।