साउदी नेतृत्वको एक गठबन्धनले गत हप्ता यमनी जेलमा घातक आक्रमण गरेको आरोपको अस्वीकार गर्दै घटनाको अनुसन्धान भइरहेको जनाएको छ ।

गठबन्धनले विद्रोही नियन्त्रित भूभागको मध्यक्षेत्रमा रहेको बन्दीगृहमा शुक्रबार भएको आक्रमणमा कम्तिमा ७० जनाको ज्यान गएको जनाइएको छ ।

गठबन्धनले घटनाबारे छानविन गर्न स्वतन्त्र रुपमा टोली परिचालन गरिएको यस विषयमा अनुसन्धान सुरू भइसकेको साउदी प्रेस एजेन्सीले अधिकारीलाई उद्धृत गरी उल्लेख गरेको छ ।

“घटनाको समाचार आएको पहिलो घण्टादेखि सम्बन्धित टोलीले अनुगमन गरेको र त्यससँग सम्बन्धित तथ्याङ्क तथा कागजात सङ्कलन गर्न सुरु गरेको छ,” समितिले भनेको छ । “छानविन सकिएलगत्तै परिणाम घोषणा हुनेछ ।”

इरान समर्थित विद्रोहीविरुद्ध सरकारलाई समर्थन गर्न सन् २०१५ मा साउदी नेतृत्वको गठबन्धनले यमनी गृहयुद्धमा हस्तक्षेप गरेको थियो ।

सिमाविहीन स्वास्थ्यकर्मीले शुक्रबारको आक्रमणमा गठबन्धनको हात रहेको हुनसक्ने बताएका छन् । हुथी विद्रोहीले आक्रमणम कम्तीमा ९१ जनाको मृत्यु भएको र २०० भन्दा बढी घाइते भएको बताएका छन् ।

मानवीय सहायताका लागि काम गर्दै आएका निकायका एक सदस्यले नाम उल्लेख नगर्ने शर्त गत शनिबार दिएको वयानमा भनिएको छ, “यो हवाई आक्रमण हो भन्ने कुरामा कुनै दुविधा छैन । आक्रमण सादा शहरका सबै नागरिकले सुनेका थिए ।”

बुधबार मानवअधिकार समूह एम्नेस्टी इन्टरनेशनलले बताएअनुसार गठबन्धनले जेललाई प्रहार गरेको भनिएको आक्रमणमासंयुक्त राज्य अमेरिकामा निर्माण भएका हतियारको प्रयोग भएको थियो ।
 
सन् २०१४ मा सुरू भएको यस द्वन्द्वले प्रत्यक्ष वा अप्रत्यक्ष रुपमा सयौं हजार मानिसको ज्यान लिएको छ र लाखौं लाई अनिकालको सँघारमै छोडेको छ । संयुक्त राष्ट्रसंघले यसलाई विश्वकै सबैभन्दा खराब मानवीय सङ्कट भनेको छ ।