सरकारी  स्वामित्वमा  सञ्चालित मुलुकको  सबैभन्दा  ठूलो  उदयपुर  सिमेन्ट  उद्योगले  क्षमता बढाउने   उद्देश्यले   दुईवटा   रणनीतिक   योजना   अगाडि  सारेको छ ।

ठूलो  परिमाणमा  रहेको  आफ्नै  खानी  भण्डारलाई आगामी  ३०  वर्षभित्र  उत्खनन  गरिसक्न  अर्काे  प्लान्ट स्थापना गर्ने दीर्घकालीन योजना उद्योगले बनाएको छ ।

हाल सञ्चालनमा रहेको प्लान्टमा आरएसपी उपकरण जडान गरी हालको  दैनिक  ८००  मेट्रिक  टनको  उत्पादन  क्षमता  बढाएर एक  हजार  १००  मेट्रिक  टन  पुर्‍याउने  र  ठूलो  परिमाणमा क्लिङ्कर उत्पादन गर्ने योजना रहेको उद्योगका महाप्रबन्धक गोपीकृष्ण न्यौपानेले बताए।

महाप्रबन्धक  न्यौपानेले  अल्पकालीन  योजनाका  लागि ७१ करोड र दीर्घकालीन योजनाका लागि १० अर्ब रुपियाँको लगानी   हुनेगरी   उद्योग   सञ्चालक   समितिले   स्वीकृति दिइसकेको  बताए ।   गोरखापत्र दैनिकमा खबर छ ।