मोरङको बेलबारीमा बुबाको हत्या गरेको आरोपमा प्रहरीले छोरालाई पक्राउ गरेको छ । 

बेलबारी नगरपालिका ९ डाँगीहाट बजारका ८८ वर्षीय दलबहादुर खत्रीको हत्या आरोपमा प्रहरीले उनकै छोरा ३५ वर्षीय जयबहादुर खत्रीलाई पक्राउ गरेको छ ।

८८ वर्षीय बुबा दल बहादुर खत्रीलाई कुटपिट गरी भुईँमा लडाई दुबै हातले घाँटी निचोरे हत्या गरेको मोरङ प्रहरीले जनाएको छ । दल बहादुर को घटनास्थलमा नै मृत्यु भएको प्रहरीले जनाएको छ ।

मादक पदार्थ सेवन गरी घरमा आएका जयबहादुर र बुबा दल बहादुरबीच विवाद हुँदा छोराले हत्या गरेको प्रहरीले जनाएको छ । कर्तव्य ज्यान मुद्दामा मुद्धा दायर गरी थप अनुसन्धान गरिरहेको  प्रहरीले जनाएको छ ।