राष्ट्रिय प्रजातन्त्र पार्टी (राप्रपा)का निवर्तमान अध्यक्ष कमल थापाले नेपालीहरूलाई एकताको सूत्रमा गाँस्ने काम सनातन धर्म र संस्कृतिले गरेको बताएका छन् । 

उनले सनातन धर्म, संस्कृति र परम्परा नेपाली राष्ट्रिय एकता र राष्ट्रियताको आधारस्तम्भ भएको बताएका हुन् । 

‘हाम्रो राष्ट्रिय गानको पहिलो पंक्तिमा ''सयौँ थुंगा फुलका हामी एउटै माला नेपाली'' उल्लेख छ । सयौँ थुंगा फुललाई मालामा गाँस्न धागो चाहिन्छ,’ उनले फेसबूकमा लेखेका छन्, ‘हाम्रो धार्मिक, सांस्कृतिक र सामाजिक परिवेशमा त्यो धागो सनातन धर्म  हो । यो एकताको आधारलाई बलियो बनाउनको निमित्त हामीले सनातन धर्म सापेक्ष हिन्दूराष्ट्र हुनुपर्छ भनेका हौं ।’