रुसमाथिको प्रभावलाई उपयोग गर्दै युक्रेन संकटको कूटनीतिक समाधान खोजिदिन अमेरिकाले बिहीवार चीनलाई आग्रह गरेको छ ।

विज्ञहरूले यस संकटमा वाशिङटनलाई बेइजिङले सहयोग गर्ने विषयमा आशंका व्यक्त गरेका छन् । 

अमेरिकाको परराष्ट्र मन्त्रालयकी अधिकारी भिक्टोरिया नुल्यान्डले बेइजिङलाई अमेरिकाले स्पष्ट सन्देश दिएको बताइन् । 

पत्रकार सम्मेलनमा बोल्दै नुल्यान्डले भनिन्, ‘मस्कोमाथि रहेको प्रभाव उपयोग गर्दै बेइजिङले कूटनीतिको पहल गर्न हामी आग्रह गर्छौं । युक्रेनमा द्वन्द्व भएमा चीनका लागि पनि राम्रो हुने छैन । विश्व अर्थतन्त्रमा त्यसले उल्लेख्य प्रभाव पार्नेछ । ऊर्जाको क्षेत्रमा त्यसको असर व्यापक हुनेछ ।’

रुसले महिनौंदेखि युक्रेनको सीमामा सुरक्षाबल तैनाथ गरिरहेको छ र पूर्वी युरोपबाट नेटोले सैनिकहरू हटाउनुपर्ने माग राखेको छ । युक्रेनलाई नेटोको सदस्य बनाउन नहुने पनि उसले बताएको छ । 

नेटो साझेदारहरूले रुसको माग अस्वीकार गरेका छन् । तर हतियार नियन्त्रण तथा विश्वास निर्माणका उपायहरूमा छलफल गर्न आफू तयार रहेको उनीहरूको भनाइ छ । 
 

The United States called on China to use its influence with Russia to urge a diplomatic solution to the Ukraine crisis https://t.co/EJUb4q7c4C pic.twitter.com/4W1rzWFloH

— Reuters (@Reuters) January 27, 2022